ന്യൂദല്ഹി : ദല്ഹി മുഖ്യമന്ത്രി അരവിന്ദ് കേജ്രിവാളിന് കോവിഡ് സ്ഥിരീകരിച്ചു. മുഖ്യമന്ത്രി നേരിട്ട് ട്വിറ്ററിലൂടെയാണ് തനിക്ക് കോവിഡ് ബാധിച്ച വിവരം അറിയിച്ചത്. താനുമായി സമ്പര്ക്കത്തിലേര്പ്പെട്ടവര് സ്വയം നിരീക്ഷണത്തില് പോകണമെന്നും കേജ്രിവാള് ട്വിറ്ററിലൂടെ അറിയിച്ചു.
ദല്ഹിയിലും കൊല്ക്കത്തയിലും ഒമിക്രോണ് കേസുകള് ഉയരുകയാണ്. മെട്രോ നഗരത്തിലെ കോവിഡ് കേസുകളില് 75 ശതമാനം ഒമിക്രോണ് ആണെന്ന റിപ്പോര്ട്ടുകള് പുറത്തുവന്നിരുന്നു. ഒമിക്രോണ് കേസുകള് ഉയരുന്ന സാഹചര്യത്തില് ദല്ഹിയില് ലഫ്റ്റനന്റ് ഗവര്ണര് അനില് ബയ്ജാലിന്റെ നേതൃത്വത്തില് ആരോഗ്യവകുപ്പ് ഉദ്യോഗസ്ഥരുടേയും മറ്റും അടിയന്തിര യോഗം വിളിച്ചു ചേര്ത്തിരിക്കുകയാണ്.
അതിനിടെയാണ് മുഖ്യമന്ത്രിക്ക് കോവിഡ് സ്ഥിരീകരിച്ചിരിക്കുകയാണ്. ഇത് കൂടാതെ കേന്ദ്ര സര്ക്കാര് ഓഫീസുകളിലെ ജീവനക്കാരുടെ എണ്ണം പകുതിയാക്കാനും നിര്ദ്ദേശം നല്കി.
