ന്യൂദല്ഹി: രാജ്യത്തെ കൊവിഡ് കേസുകള് 24 മണിക്കൂറിനിടെ ഇരുപത്തി ഏഴായിരം കടന്നു. കഴിഞ്ഞ ഒരാഴ്ചയ്ക്കിടെ നാലിരട്ടി വര്ധനയാണ് രാജ്യത്തെ പ്രതിദിന കേസില് രേഖപ്പെടുത്തിയത്. നിലവില് മഹാരാഷ്ട്രയിലെ പ്രതിദിന രോഗികള് പതിനായിരത്തിനടുത്താണ്. 24 മണിക്കൂറിനിടെ 9,170 പേര്ക്കാണ് കൊവിഡ് സ്ഥിരീകരിച്ചത്.
കേരളത്തില് ഇന്ന് 2802 പേര്ക്ക് കൊവിഡ് സ്ഥിരീകരിച്ചു. ദല്ഹിയിലെ പ്രതിദിന കോവിഡ് കേസുകളില് 51 ശതമാനം വര്ധനവാണുണ്ടായത്. കൊവിഡ് വ്യാപിക്കുന്ന പശ്ചാത്തലത്തില് പശ്ചിമ ബംഗാള്, ഹരിയാന, തെലങ്കാന സര്ക്കാരുകള് നിയന്ത്രണങ്ങള് കടുപ്പിച്ചിട്ടുണ്ട്. രാജ്യത്തെ കൗമാരക്കാരുടെ വാക്സിനേഷന് രജിസ്ട്രേഷന് പുരോഗമിക്കുകയാണ്. രാത്രി 12 മണി വരെ 4 ലക്ഷത്തോളം പേരാണ് രജിസ്റ്റര് ചെയ്തത്.
