കാഞ്ഞങ്ങാട്: വിവാഹത്തിന് മുന്നോടിയായി വീല്‍ ചെയറില്‍ ജീവിതം തളച്ചിട്ട ഭിന്നശേഷി സംഗമം വേറിട്ട കാഴ്ചയായി. കാഞ്ഞങ്ങാട് മീനാപ്പീസ് കടപ്പുറം വടകര മുക്കിലെ വ്യാപാരിയും അറിയപ്പെടുന്ന ജീവകാരുണ്യ പ്രവര്‍ത്തകനുമായ ഇബ്രാഹിം ബിസ്മിയുടെയും സുമയ്യയുടെയും മകള്‍ ഫാത്തിമത്ത് ഇശ്‌റയുടെ വിവാഹത്തലേന്നാണ് സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള 150 ഓളം ഭിന്നശേഷിക്കാര്‍ കുടുംബസമേതം സംഘടിപ്പിച്ചത്.
ലക്ഷങ്ങള്‍ ചെലവഴിച്ച് കല്യാണം നടത്തുമ്പോള്‍ പലപ്പോഴും താഴെ തട്ടിലുള്ളവരേയും പ്രത്യേകിച്ച് ഭിന്നശേഷിക്കാരേയും തഴയുകയാണ് പതിവ്. അതില്‍ നിന്ന് വ്യത്യസ്തനാവുകയാണ് ഇബ്രാഹിമും കുടുംബവും. കുടുംബ സംഗമം രാജ് മോഹന്‍ ഉണ്ണിത്താന്‍ എംപി ഉദ്ഘാടനം ചെയ്തു. ഇ. ചന്ദ്രശേഖരന്‍ എംഎല്‍എ, ടി.മുഹമ്മദ് അസ്ലം തുടങ്ങിയവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: