കല്‍പ്പറ്റ: തപസ്യ കലാ സാഹിത്യവേദിയുടെ നേതൃത്വത്തില്‍ തുഞ്ചന്‍ ദിനാഘോഷം ആചരിച്ചു. അവന്തിക രാജേഷ് ഹരിനാമകീര്‍ത്തനം ആലപിച്ചു കൊണ്ട് ചടങ്ങ് ആരംഭിച്ചു. പന്തളം എന്‍എസ് കോളേജ് റിട്ട. പ്രൊഫസര്‍ പി.കെ. ദേവന്‍ തുഞ്ചന്‍ ദിനാഘോഷം ഉദ്ഘാടനം ചെയ്തു.
ചടങ്ങില്‍ വയനാട്ടിലെ പ്രമുഖ കവികളായ സി.കെ. കുഞ്ഞികൃഷ്ണന്‍, പ്രേമരാജന്‍ ചീക്കല്ലൂര്‍, ശിവരാമന്‍ പാട്ടത്തില്‍, വാസുദേവന്‍ ചീക്കല്ലൂര്‍, സുബീഷ് ഗോപി, വി.കെ. സന്തോഷ് എന്നിവരെ ആദരിച്ചു. തുഞ്ചന്‍ ദിനാഘോഷത്തോടനുബന്ധിച്ച് സംഘടിപ്പിച്ച തുഞ്ചന്‍ സ്മൃതി കവിത രചനാ മത്സരത്തില്‍ ഒന്നും രണ്ടും സമ്മാനം നേടിയവര്‍ക്ക് സമ്മാനദാനം നടത്തി.
വയനാട് പൈതൃകസംരക്ഷണ കര്‍മസമിതി സംഘടിപ്പിച്ച എടച്ചന കുങ്കന്‍ സ്മൃതി ക്വിസ്സ് മത്സരത്തില്‍ ഒന്നും രണ്ടും മൂന്നും സ്ഥാനം ലഭിച്ചവര്‍ക്കും സമ്മാനം വിതരണം ചെയ്തു. തപസ്യ കലാസാഹിത്യ വേദി വയനാട് അധ്യക്ഷന്‍ വി.കെ.സന്തോഷ് അദ്ധ്യക്ഷഭാഷണം നടത്തിയ ചടങ്ങില്‍ വേദി ജനറല്‍ സെക്രട്ടറി സിന്ധു അയിരവീട്ടില്‍ സ്വാഗതവും ട്രഷറര്‍ പ്രമോദ് കടലി കൃതജ്ഞതയും രേഖപ്പെടുത്തി.
പ്രതികരിക്കാൻ ഇവിടെ എഴുതുക: