അടിമാലി: വിവാഹവാഗ്ദാനം നല്‍കി ലൈംഗികമായി പീഡിപ്പിച്ചെന്ന പരാതിയിൽ പോലീസുകാരനെ സര്‍വീസില്‍ നിന്ന് സസ്‌പെന്‍ഡ് ചെയ്തു. കേരള ആംഡ് പോലീസ് അഞ്ചാം ബറ്റാലിയനിലെ സിവില്‍ പോലീസ് ഓഫീസര്‍ കോട്ടയം കടുത്തുരുത്തി മധുരവേലില്‍ അഭിജിത്ത് പ്രകാശി(32) നെയാണ് സസ്‌പെന്‍ഡ് ചെയ്തത്.
അടിമാലി പോലീസ് ഇയാള്‍ക്കെതിരെ കേസെടുത്തിട്ടുണ്ട്. അടിമാലി സ്വദേശിനിയായ പരാതിക്കാരിയും പോലീസുകാരനും സഹപാഠികളായിരുന്നു. ആ പരിചയമാണ് വിവാഹമോചിതയും രണ്ട് കുട്ടികളുടെ അമ്മയുമായ യുവതി അഭിജിത്തുമായി അടുക്കാന്‍ കാരണം. വിവാഹം കഴിച്ചില്ലെങ്കില്‍ ആത്മഹത്യചെയ്യുമെന്നും മറ്റുമുള്ള ഭീഷണിയുടെ അടിസ്ഥാനത്തിലാണ് അഭിജിത്തുമായി ബന്ധം സ്ഥാപിച്ചതെന്നുമാണ് യുവതിയുടെ വെളിപ്പെടുത്തല്‍. എന്നാല്‍ അഭിജിത്ത് മറ്റൊരു സ്ത്രീയുമായി ഒരു മാസം മുമ്പ് വിവാഹം കഴിച്ചു. ഇതിനെ തുടര്‍ന്നാണ് 16ന് യുവതി അടിമാലി പോലീസില്‍ പരാതി നല്‍കിയത്.
യുവതിയെ ഏഴോളം സ്ഥലങ്ങളില്‍ കൊണ്ടുപോയി പീഡിപ്പിച്ചതായും പരാതിയില്‍ പറയുന്നു. പരാതി പിന്‍വലിപ്പിക്കാന്‍ പലതരത്തില്‍ സമ്മര്‍ദ്ദമുണ്ടെന്നും ഇതിനകം തനിക്ക് നേരെ വധഭീഷിണിയുമായി ചിലര്‍ എത്തിയെന്നും യുവതി പറഞ്ഞു.
പ്രതികരിക്കാൻ ഇവിടെ എഴുതുക: