തിരുവനന്തപുരം: പുതിയ സീസണിലേക്കുള്ള കേരള രഞ്ജി ട്രോഫി സാധ്യത ടീമിനെ പ്രഖ്യാപിച്ചു. സച്ചിന് ബേബിയാണ് ടീമിന്റെ ക്യാപ്റ്റന്. വൈസ് ക്യാപ്റ്റനായി വിഷ്ണു വിനോദിനെ തിരഞ്ഞെടുത്തു.
മുന് ഇന്ത്യന് താരം എസ്. ശ്രീശാന്തും ടീമില് തിരികെയെത്തി. വിജയ് ഹസാരെ, സയ്യിദ് മുഷ്താഖ് അലി ട്രോഫി ടീമില് ഉള്പ്പെടാതിരുന്ന താരം രഞ്ജി കളിച്ചേക്കുമെന്നാണ് കരുതപ്പെടുന്നത്. അങ്ങനെയെങ്കില് നീണ്ടഒന്പത് വര്ഷങ്ങള്ക്ക് ശേഷമാവും ശ്രീശാന്ത് രഞ്ജി ട്രോഫി കളിക്കുന്നത്. പരിക്ക് മാറാത്ത റോബിന് ഉത്തപ്പ നിലവില് ടീമിലില്ല. ജനുവരി 13 മുതല് ബെംഗളൂരുവിലാണ് മത്സരങ്ങള് നടക്കുക. 25 അംഗ സാധ്യതാ ടീമിനെയാണ് കേരള ക്രിക്കറ്റ് അസോസിയേഷന് പ്രഖ്യാപിച്ചത്. വിദര്ഭ, ബംഗാള്, രാജസ്ഥാന്, ത്രിപുര, ഹരിയാന ടീമുകളാണ് ഗ്രൂപ്പ് ഘട്ടത്തില് കേരളത്തിന്റെ എതിരാളികള്.
സച്ചിന് ബേബി (ക്യാപ്റ്റന്), വിഷ്ണു വിനോദ് (വൈസ് ക്യാപ്റ്റന്), ആനന്ദ് കൃഷ്ണന്, രോഹന് കുന്നുമ്മല്, വത്സല് ഗോവിന്ദ്, പി. രാഹുല്, സല്മാന് നിസാര്, സഞ്ജു സാംസണ്, ജലജ് സക്സേന, സിജോമോന് ജോസഫ്, കെ.സി. അക്ഷയ്, എസ്. മിഥുന്, എന്.പി. ബേസില്, എം.ഡി. നിഥീഷ്, മനു കൃഷ്ണന്, ബേസില് തമ്പി, എഫ്. ഫനൂസ്, എസ്. ശ്രീശാന്ത്, അക്ഷയ് ചന്ദ്രന്, വരുണ് നായനാര് (വിക്കറ്റ് കീപ്പര്), ആനന്ദ് ജോസഫ്, വിനൂപ് മനോഹരന്, എം. അരുണ്, വൈശാഖ് ചന്ദ്രന് എന്നിവരാണ് സാധ്യത ടീമില് ഇടംപിടിച്ച മറ്റു കളിക്കാര്.
