ബത്തേരി: ഹൈന്ദവ സമൂഹത്തെ വേട്ടയാടി മുസ്ലീം ഭീകരത കേരളത്തില് താണ്ഡവമാടുകയാണെന്ന് ഹിന്ദു ഐക്യവേദി സംസ്ഥാന ജനറല് സെക്രട്ടറി ആര്.വി. ബാബു. നൂറ് വര്ഷങ്ങള്ക്ക് മുമ്പ് 1921ലെ മാപ്പിള ലഹളയുടെ ആവര്ത്തനമാണ് സംസ്ഥാനത്ത് തുടരുന്നത് എന്നും ബത്തേരിയില് ഹിന്ദു ഐക്യവേദി സംഘടിപ്പിച്ച ഭീകര വിരുദ്ധ പാക്ഷികസദസ് ഉദ്ഘാടനം ചെയ്ത് അദ്ദേഹം പറഞ്ഞു.
കഴിഞ്ഞ രണ്ട് മാസങ്ങള്ക്കിടെ നാല് ഹിന്ദു സംഘടന പ്രവര്ത്തകരാണ് ഭീകരവാദികളുടെ കൊലക്കത്തിക്ക് ഇരയായത്. കേരള രാഷ്ട്രീയ അന്തരീക്ഷത്തില് സംഘപരിവാര് പ്രസ്ഥാനങ്ങള്ക്ക് വര്ഗ്ഗീയ നിറം നല്കി ഒറ്റപ്പെടുത്താന് ശ്രമിക്കുന്നതും ഇതേ ഭീകര പ്രസ്ഥാനങ്ങളാണ്. ഹിന്ദുക്കളെ മാത്രമല്ല ഇതര പ്രസ്ഥാനങ്ങള്ക്കും മതസ്ഥര്ക്കും ഇവര് ഭീഷണി തന്നെയാണ്. പ്രതിയോഗികളെ ഇല്ലായ്മ ചെയ്യുന്ന രീതികളെ ഗൗരവകരമായി കണേണ്ടതുണ്ട്.
അല് ഖ്വയ്ദയുടെയും ഐഎസ്ന്റെയും സ്വാധീനം കേരളത്തില് വേരൂന്നി ഭീകരവാദത്തിന്റെ റിക്രൂട്ട്മെന്റിന് ഈ മണ്ണ് ഉപയോഗപ്പെടുത്തുകയാണ് എന്നും അദ്ദേഹം പറഞ്ഞു. ദേവപ്രഭ വന്ദേമാതരം ആലപിച്ച് ആരംഭിച്ച ചടങ്ങില് ഹിന്ദു ഐക്യവേദി ജില്ലാ വര്ക്കിംഗ് പ്രസിഡന്റ് കെ.കെ. രാജന് അധ്യക്ഷത വഹിച്ചു. ജില്ലാ ജനറല് സെക്രട്ടറി ടിഎന്.സജിത്ത്, സി.പി. വിജയന്, ജഗനാഥ്കുമാര്, കെ.ജി. സുരേഷ് ബാബു, എ. രാജീവ് തുടങ്ങിയവര് പങ്കെടുത്തു.
