ഫഹദ് ഫാസിലിനെ കേന്ദ്ര കഥാപാത്രമാക്കി നവാഗതനായ സജിമോന്‍ സംവിധാനം ചെയ്യുന്ന ചിത്രമാണ് ‘മലയന്‍കുഞ്ഞ്’. സംവിധായകന്‍ ഫാസില്‍ ആണ് ചിത്രം നിര്‍മിക്കുന്നത്. ചിത്രത്തിന് സംഗീതം പകരുന്നത് എ ആര്‍ റഹ്മാനാണ്. മോഹന്‍ലാല്‍ നായകനായ ‘യോദ്ധ’ എന്ന ചിത്രത്തിന് വേണ്ടിയാണ് എ ആര്‍ റഹ്മാന്‍ ആദ്യമായി മലയാളത്തില്‍ സംഗീതം ചെയ്തത്. പൃഥ്വിരാജ് നായകനാകുന്ന പുതിയ ചിത്രം ‘ആടുജീവിത’ത്തിന്റെയും സംഗീത സംവിധായകന്‍ എ ആര്‍ റഹ്മാനാണ്.
കൊവിഡ് കാലത്ത് ഏറെ ചര്‍ച്ചയായ ചിത്രങ്ങളായ ‘സീ യു സൂണ്‍’, ‘മാലിക്’ എന്നിവയ്‌ക്ക് ശേഷം മഹേഷ് നാരായണനും ഫഹദും ഒന്നിക്കുന്നുവെന്ന് പ്രത്യേകതയും മലയന്‍കുഞ്ഞി’നുണ്ട്. മഹേഷ് നാരായണന്‍ തിരക്കഥയെഴുതുന്ന ചിത്രമാണ് ‘മലയന്‍കുഞ്ഞ്’. മഹേഷ് നാരായണനായിരിക്കും ചിത്രത്തിന്റെ ഛായാഗ്രാഹണം നിര്‍വഹിക്കുന്നതെന്നും റിപ്പോര്‍ട്ടുകളുണ്ട്. വിഷ്ണു ഗോവിന്ദും ശ്രീ ശങ്കറുമാണ് ചിത്രത്തിന്റെ സൗണ്ട് ഡിസൈനര്‍. ചിത്രത്തിലെ മറ്റ് അഭിനേതാക്കളുടെ പേര് വിവരങ്ങള്‍ ഇതുവരെ അണിയറ പ്രവര്‍ത്തകര്‍ പുറത്തുവിട്ടിട്ടില്ല.
പ്രതികരിക്കാൻ ഇവിടെ എഴുതുക: