സെഞ്ച്വറി വിഷന്റെ ബാനറില്‍ മമ്മി സെഞ്ച്വറി ,പവന്‍ കുമാര്‍ എന്നിവര്‍ നിര്‍മിച്ച്, മെഹമൂദ് കെ. എസ് സംവിധാനം ചെയ്യുന്ന ‘അവഞ്ചേസ് ‘ ചിത്രത്തിന്റെ ഓഡിയോ പ്രകാശനം ഗോകുലം പാര്‍ക്ക് ഹോട്ടലില്‍ കഴിഞ്ഞ ദിവസം നടന്നു. നിര്‍മ്മാതാവ് സിയാദ് കൊക്കര്‍, ഗാനരചയിതാവ് ആര്‍.കെ. ദാമോദരന്‍, സംഗീത സംവിധായകന്‍ ഇഖ്‌നേഷ്യസ് ,സംവിധായകന്‍ കണ്ണന്‍ താമരക്കുളം എന്നിവര്‍ ചേര്‍ന്നു പ്രകാശന കര്‍മ്മം നിര്‍വഹിച്ചു. പ്രമുഖ സിനിമാ പ്രവര്‍ത്തകരും, ചിത്രത്തിന്റെ അണിയറ പ്രവര്‍ത്തകരും ചടങ്ങില്‍ പങ്കെടുത്തു.
ചിത്രത്തില്‍ റഫീഖ് ചൊക്ലി, നിമിഷബിജോ, ശ്രീപതി, ജീവ, ശിവന്‍ദാസ് , രോഹിത്,ഉദയേഷ്, ബിലാല്‍,ശരത്, ജ്യോതിഷ് മട്ടന്നൂര്‍,സലിം ബാബ,ശ്രീധര്‍, സെബി ഞാറക്കല്‍,വിജയന്‍ കോടനാട് എന്നിവര്‍ പ്രമുഖ കഥാപാത്രങ്ങളെ അവതരിപ്പിച്ചരിക്കുന്നു. ഇസ്മായില്‍ മഞ്ഞാലി, ഷാജഹാന്‍,മാഹിന്‍,സജീദ് പുത്തലത്,റസാഖ് ഗുരുവായൂര്‍,അലീന ബിന്‍സണ്‍, അമ്പിളി,സരിത, ഗ്രേഷ്യ അരുണ്‍,ബേബി ഹൃദ്യ ഷാജി,തുടങ്ങി നിരവധി താരങ്ങളും അണി നിരക്കുന്നു.
മെഹമൂദാണ് തിരക്കഥയെഴുതി സംവിധാനം ചെയ്തിരിക്കുന്നത്. സെഞ്ച്വറി വിഷനുവേണ്ടി മമ്മി സെഞ്ച്വറി, പവന്‍കുമാര്‍ എന്നിവര ചേര്‍ന്നാണ് ചിത്രം നിര്‍മ്മിക്കുന്നത്. മാര്‍ച്ച് മാസം ചിത്രം തീയേറ്ററില്‍ എത്തും.
പ്രതികരിക്കാൻ ഇവിടെ എഴുതുക: