ആലപ്പുഴ: അഡ്വ.രണ്‍ജിത് ശ്രീനിവാസന്റെ കൊലപാതകത്തില്‍ പ്രതിഷേധിച്ച് ആലപ്പുഴ ബാറിലെ അഭിഭാഷകര്‍ ഇന്ന് കോടതി നടപടികളില്‍ നിന്ന് വിട്ടു നിന്നു. കൊലപാതകത്തിലെ യഥാര്‍ത്ഥ പ്രതികളെ കണ്ടെത്തി ശിക്ഷിക്കുന്നതിന് പ്രത്യേക അന്വേഷണ സംഘത്തെ നിയോഗിച്ച് അന്വേഷണം ഊര്‍ജ്ജിതപ്പെടുത്തണമെന്ന് അസോസിയേഷന്‍ ആവശ്യപ്പെട്ടു.
പ്രതിഭാഗത്തിനുവേണ്ടി ആലപ്പുഴ ബാറിലെ അഭിഭാഷകരാരും ഹാജരാകരുതെന്ന് യോഗം ഏകകണ്‌ഠേന തീരുമാനിച്ചു. ആലപ്പുഴ കോടതിക്ക് മുന്നില്‍ പൊതുദര്‍ശനത്തിന് വെച്ച മൃതദേഹത്തില്‍ അഭിഭാഷകര്‍, കോടതി ജീവനക്കാര്‍, ജുഡീഷ്യല്‍ ഓഫീസര്‍മാര്‍, അഭിഭാഷക കഌക്കുമാര്‍ തുടങ്ങി സമൂഹത്തിന്റെ വിവിധ തുറകളില്‍പ്പെട്ടവര്‍ ആദരാഞ്ജലികള്‍ അര്‍പ്പിച്ചു.
പ്രതികരിക്കാൻ ഇവിടെ എഴുതുക: