ആലപ്പുഴ: മതഭീകരവാദ – വിധ്വംസക ശക്തികള്‍ എത്ര തന്നെ പരിശ്രമിച്ചാലും കേരളത്തെ ഭീകരതയ്‌ക്ക് മുന്‍പില്‍ അടിയറവയ്‌ക്കുകയില്ലെന്നും മതമൗലികവാദത്തിനും തീവ്രവാദത്തിനുമെതിരായ ഹൈന്ദവ ഐക്യം മുന്‍പത്തേതിലും ശക്തമാണെന്നും ഹിന്ദു ഐക്യവേദി സംസ്ഥാന വര്‍ക്കിങ് പ്രസിഡന്റ് വത്സന്‍ തില്ലങ്കേരി.
ഹിന്ദുഐക്യവേദി ജില്ലാസമിതി സംഘടിപ്പിച്ച ജനജാഗ്രതാ സദസ്സില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. മുസ്ലിം പൊതുസമൂഹം ചവറ്റുകുട്ടയില്‍ തള്ളിയവരാണ് പോപ്പുലര്‍ ഫ്രണ്ടുകാരെന്നും, രാഷ്‌ട്രത്തിനെതിരായി അഞ്ചാം പത്തികളാണിവരെന്നും അദ്ദേഹം പറഞ്ഞു.
വൈദേശികാക്രമണങ്ങളാല്‍ ഒളിമങ്ങി നിന്നിരുന്ന ഭാരതീയ സാംസ്‌കാരിക ബിംബങ്ങള്‍ പുനരാനയിക്കപ്പെടുന്ന കാലഘട്ടമാണിതെന്നും ഭാരതം അതിന്റെ പൂര്‍വ്വകാല പ്രതാപത്തിലേക്ക് മടങ്ങുകയാണെന്നും അദ്ദേഹം കൂട്ടിചേര്‍ത്തു. ഹിന്ദു ഐക്യവേദി ജില്ലാ പ്രസിഡന്റ് കെ.പി. രാധാകൃഷ്ണന്‍ അധ്യക്ഷനായി.
ഹെലികോപ്ടര്‍ അപകടത്തില്‍ വീരമൃത്യു വരിച്ച സൈനികര്‍ക്ക് സൈന്യത്തില്‍ നിന്നും സിഎംഒ ആയി വിരമിച്ച ഡോ. കേശവര്‍ നമ്പൂതിരി ശ്രദ്ധാഞ്ജലി അര്‍പ്പിച്ചു. സംസ്ഥാന സംഘടനാ സെക്രട്ടറി സി. ബാബു, സഹ സംഘടനാ സെക്രട്ടറി വി. സുശികുമാര്‍, ജില്ലാ വൈസ് പ്രസിഡന്റുമാരായ എം. പ്രഗത്ഭന്‍, പുതുക്കരി സുരേന്ദ്രനാഥ്, ജില്ലാ ജനറല്‍ സെക്രട്ടറി സി.എന്‍. ജിനു, സംഘടനാസെക്രട്ടറി ഏവൂര്‍ ശശികുമാര്‍, സെക്രട്ടറി ശ്രീജിഷ് മുരളീധരന്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: