ഹൂസ്റ്റന് : മലയാളി അസോസിയേഷന് ഓഫ് ഗ്രേറ്റര് ഹൂസ്റ്റന്റെ (മാഗ്) പുതിയ പ്രസിഡന്റായി അനില് കുമാര് ആറന്മുള തെരഞ്ഞെടുക്കപ്പെട്ടു. മികച്ച സംഘാടകനും സാംസ്ക്കാരിക പ്രവര്ത്തകനും മാധ്യമ പ്രവര്ത്തകനുമാണ് അനില് . ആന്ഡ്രൂസ് ജേക്കബ്, ഫാന്സിമോള് പാലത്തുമഠം, ജോര്ജ് വര്ഗീസ് (ജോമോന്), ജിനു തോമസ്, ജോസ് കെ ജോണ് (ബിജു), രാജേഷ് എസ് വര്ഗീസ്, റെജി വി കുര്യന്, ഷിജു വര്ഗീസ്, സൈമണ് എള്ളങ്കയില്, ഉണ്ണി മണപ്പുറത്ത് എന്നിവരെ ഡയറക്ടര് ബോര്ഡ് അംഗങ്ങളായും തെരഞ്ഞെടുത്തു. ജയിംസ് ജോസഫ്, വിനോദ് വാസുദേവന് എന്നിവരാണ് പുതിയ ട്രസ്റ്റി ബോര്ഡ് അംഗങ്ങള്.
ക്ലാരമ്മ മാത്യൂസ്, മറിയാമ്മ മണ്ഡപത്തില് എന്നീ വനിതാ പ്രതിനിധികളെയും യൂത്ത് കോ-ഓര്ഡിനേറ്ററായി സൂര്യജിത്തിനെയും എതിരില്ലാതെ തിരഞ്ഞെടുത്തു. മാഗിന്റെ പ്രവര്ത്തനങ്ങള് വലിയ വിധത്തില് മുന്നോട്ടു കൊണ്ടുപോകുമെന്നും ഹൂസ്റ്റണിലെ മലയാളികള്ക്കിടയില് സംഘടനയുടെ ഉത്തരവാദിത്വം കൂടുതല് പ്രകടമാക്കുമെന്നും പ്രസിഡന്റ് അനില് ആറന്മുള അറിയിച്ചു.
