റിയാദ് : തബ്ലീഗ് ജമാഅത്ത് സംഘടനയുടെ പ്രവര്ത്തനങ്ങള് ഭീകരവാദത്തിലേക്കുള്ള ചുവടുവെയ്പ്പാണെന്ന് സൗദി അറേബ്യ. തബ്ലീഗ് ജമാഅത്ത് രാജ്യത്തിന് ആപത്താണെന്ന് ചൂണ്ടിക്കാട്ടി സംഘടനയ്ക്ക് സൗദി നിരോധനവും ഏര്പ്പെടുത്തി. സൗദി ഇസ്ലാമിക കാര്യ മന്ത്രാലം ഔദ്യോഗിക ട്വിറ്റര് അക്കൗണ്ടിലൂടെയാണ് ഇക്കാര്യം അറിയിച്ചിരിക്കുന്നത്.
തബ്ലീഗിന്റെ പ്രവര്ത്തനം ജനങ്ങളെ വഴിതെറ്റിക്കുന്ന വിധത്തിലാണ്. ഭീകരവാദത്തിലേക്കുള്ള കവാടം പോലെയാണ്. തബ്ലീഗ് ജമാ അത്ത് ഉദ്ദവ ഗ്രൂപ്പ് അടക്കമുള്ള സംഘടനകള്ക്ക് നിരോധനം ഏര്പ്പെടുത്തുകയാണ്.
സമൂഹത്തിന് അപകടകരായ ഇത്തരം സംഘടനകള് സംബന്ധിച്ച് പൊതുജനങ്ങള്ക്ക് മുന്നറിയിപ്പ് നല്കും. വെള്ളിയാഴ്ച പള്ളികളില് നടക്കുന്ന പ്രഭാഷണങ്ങളില് ഇക്കാര്യം ഉള്പ്പെടുത്താനും സൗദി മന്ത്രാലയം നിര്ദ്ദേശം നല്കിയിട്ടുണ്ട്.
