തിരുവനന്തപുരം: മതമൗലിക വാദികളെ പ്രീതിപ്പെടുത്താന്‍ ഡിവൈഎഫ്‌ഐ നടത്തിയ ഹലാല്‍ ഫെസ്റ്റിന് മറുപടിയുമായി യുവമോര്‍ച്ച. സംസ്ഥാനത്തുടനീളം മതരഹിത ഭക്ഷണശാലകള്‍ സംഘടിപ്പിക്കുമെന്ന് യുവമോര്‍ച്ച സംസ്ഥാന അധ്യക്ഷന്‍ പിആര്‍ പ്രഫുല്‍ കൃഷ്ണന്‍ പ്രഖ്യാപിച്ചു. ‘മതം കലരാത്ത വൃത്തിയുള്ള ഭക്ഷണം ആവശ്യപ്പെടുന്ന മതേതര സമൂഹത്തോടൊപ്പം’ എന്ന മുദ്രാവാക്യം ഉയര്‍ത്തിയാണ് പരിപാടി സംഘടിപ്പിക്കുന്നത്.
തുപ്പല്‍ വിവാദത്തെ തുടര്‍ന്ന് മത രീതിയില്‍ പാകം ചെയ്ത ഭക്ഷണം വിളമ്പി ഡിവൈഎഫ്‌ഐ ഫെസ്റ്റ്‌നടത്തിയിരുന്നു. ഹലാല്‍ ബോര്‍ഡ് വെച്ചായിരുന്നു ഡിവൈഎഫ്‌ഐ സംഘടിപ്പിച്ച ഫുഡ്‌സ്ട്രീറ്റ് അരങ്ങേറിയത്. മുസ്ലീം ഭൂരിപക്ഷ പ്രദേശങ്ങളില്‍ നടത്തിയ ഫെസ്റ്റില്‍ പന്നിയിറച്ചി വിളമ്പാത്തതില്‍ ആക്ഷേപം ഉയര്‍ന്നിരുന്നു.
മതമൗലികവാദികള്‍ക്ക് പിന്തുണയുമായി യൂത്ത് കോണ്‍്ഗ്രസും ഫുഡ് ഫെസ്റ്റ് നടത്തി. ആലുവയില്‍ സംഘടിപ്പിച്ച പരിപാടിയില്‍ ബീഫ് വിളമ്പിയാണ് യൂത്ത് കോണ്‍ഗ്രസ് ഹലാല്‍ ബ്രാന്‍ഡിങ്ങിന് പിന്തുണ അറിയിച്ചത്. പ്രമുഖ സംസ്ഥാന നേതാക്കള്‍ പരിപാടിയില്‍ അണി നിരന്നു.
പ്രതികരിക്കാൻ ഇവിടെ എഴുതുക