ന്യൂദല്ഹി : ലോകത്തിന് തന്നെ ഭീഷണിയായി ഒമിക്രോണ് വകഭേദം വെല്ലുവിളി ഉയര്ത്തുന്ന സാഹചര്യത്തില് പ്രധാനമന്ത്രി ഇന്ന് രാജ്യത്തെ അഭിസംബോധന ചെയ്ത് സംസാരിക്കും. പ്രതിമാസ റേഡിയോ പരിപാടിയായ മന് കി ബാത്തിലൂടെയാണ് പ്രധനമന്ത്രി രാജ്യത്തോട് സംസാരിക്കുന്നത്.
നിലവിലെ സാഹചര്യത്തില് പ്രധാനമന്ത്രിയുടെ സന്ദേശം രാജ്യം ഏറെ പ്രാധാന്യം നല്കുന്നുണ്ട്. ജനങ്ങള് ജാഗ്രതാ കൈവിടരുതെന്ന സന്ദേശം പ്രധാനമന്ത്രി നല്കുമെന്നാണ് പ്രതീക്ഷ. കൂടാതെ രാജ്യത്തെ നിയന്ത്രണങ്ങള് സംബന്ധിച്ചും അറിയിച്ചേക്കാം. ചില രാജ്യങ്ങളില് നിന്നുള്ള വിമാന സര്വ്വീസുകള്ക്ക് ഇന്ത്യ നിയന്ത്രണം തുടര്ന്നേക്കും.
അതേസമയം പുതിയ കോവിഡ് വകഭേദത്തില് പരിഭ്രാന്ത്രി വേണ്ടെന്ന് ഐസിഎംആര് അറിയിച്ചു,ജാഗ്രത തുടര്ന്നാല് മതി. അതിതീവ്ര വ്യാപനത്തിനുള്ള തെളിവുകള് ഇതുവരെയില്ല. വാക്സിനേഷന് നടപടിയെ പുതിയസാഹചര്യം ബാധിക്കരുത് എന്നും ഐസിഎംആര് അറിയിച്ചു.
കൂടുതല് രാജ്യങ്ങളില് ഒമിക്രോണ് സാന്നിധ്യം സ്ഥിരീകരിച്ചതോടെ അന്താരാഷ്ട്ര യാത്രാ നിയന്ത്രണങ്ങള് നീക്കാനുള്ള തീരുമാനം പുനപരിശോധിക്കാനുള്ള നീക്കത്തിലാണ് കേന്ദ്ര സര്ക്കാര്. വിമാനത്താവളങ്ങളില് ഉള്പ്പടെ പരിശോധന കര്ശനമാക്കാന് ആരോഗ്യ മന്ത്രാലയം സംസ്ഥാനങ്ങള്ക്ക് നിര്ദേശം നല്കിയിട്ടുണ്ട്. ജാഗ്രത നിര്ദേശം ലഭിച്ചതിന് പിന്നാലെ വിവിധ സംസ്ഥാനങ്ങളും വിദേശ യാത്രക്കാര്ക്ക് നിയന്ത്രണങ്ങള് ഏര്പ്പെടുത്തി.
ഗുജറാത്ത്, മഹാരാഷ്ട്ര, ദില്ലി തുടങ്ങിയ ഇടങ്ങളില് എല്ലാം നിയന്ത്രണങ്ങള് കടുപ്പിച്ചു. ഇതിന് പുറമെ മുംബൈ വിമാനത്താവളത്തില് ദക്ഷിണാഫ്രിക്കയില് നിന്നും എത്തുന്നവര്ക്ക് ക്വാറന്റീനും ഏര്പ്പെടുത്തി. ഉത്തരാഖണ്ഡ്, കര്ണാടക തുടങ്ങിയ സംസ്ഥാങ്ങളിലെല്ലാം സ്ഥിതി വിലയിരുത്താന് മുഖ്യമന്ത്രിമാര് പ്രത്യേകം യോഗം വിളിച്ചു ചേര്ത്തിരുന്നു.
കോവിഡ് വൈറസിന്റെ പുതിയ വകഭേദമായ ഒമിക്രോണ് ഉയര്ത്തുന്ന വെല്ലുവിളി നേരിടാന് നടപടികള് സ്വീകരിക്കാന് പ്രധാനമന്ത്രി ഇന്നലെ നിര്ദേശം നല്കിയിരുന്നു. ഒമിക്രോണ് വകഭേദം വിവിധ ലോകരാജ്യങ്ങളില് കണ്ടെത്തിയതിനെ തുടര്ന്ന് വിളിച്ചു ചേര്ത്ത അവലോകന യോഗത്തിലായിരുന്നു രാജ്യത്ത് ജാഗ്രത കടുപ്പിക്കാന് നരേന്ദ്രമോദി ആവശ്യപ്പെട്ടത്. കോവിഡ് വൈറസിന്റെ പുതിയ വകഭേദമായ ഒമിക്രോണ് കൂടുതല് രാജ്യങ്ങളില് റിപ്പോര്ട്ട് ചെയ്ത സാഹചര്യത്തില് അന്താരാഷ്ട്ര യാത്ര നിയന്ത്രണങ്ങള് നീക്കിയ നടപടി പുനപരിശോധിക്കണമെന്ന് അവലോകനയോഗത്തില് പ്രധാനമന്ത്രി ഉദ്യോഗസ്ഥരോട് ആവശ്യപ്പെട്ടിരുന്നു.
പുതിയ വകഭേദത്തിലൂടെ ഉണ്ടാവുന്ന ഭീഷണി നേരിടണമെന്നും അതിനായി വേണ്ട നടപടികള്സ്വീകരിക്കണമെന്നും നരേന്ദ്രമോദി നിര്ദ്ദേശിച്ചു. ഒമിക്രോണ് വൈറസിനെതിരെ ജനങ്ങള് ജാഗ്രത പാലിക്കണമെന്നും പ്രതിരോധമുറപ്പിക്കാന് കൊവിഡ് വാക്സീന് രണ്ടാം ഡോസിന്റെ വിതരണം വേഗത്തിലാക്കണമെന്നും പ്രധാനമന്ത്രി ആവശ്യപ്പെട്ടു. വിദേശ രാജ്യങ്ങളില് കോവിഡിന്റെ പുതിയ വകഭേദമായ ഒമിക്രോണ് കണ്ടെത്തിയതിന് പിന്നാലെ പ്രധാനമന്ത്രി ശനിയാഴ്ച ഉന്നതതല യോഗം വിളിച്ച് സാഹചര്യം വിലയിരുത്തിയിരുന്നു.
