ഇടുക്കി: കാമുകന്‍ പ്രണയത്തില്‍ നിന്നും പിന്മാറിയതിനാല്‍ യുവതി കാമുകന്റെ മുഖത്ത് ആസിഡോഴിച്ചു. അടിമാലി സ്വദേശി ഷീബയാണ് കാമുകനായ തിരുവനന്തപുരം സ്വദേശി അരുണിന് നേരെ ആസിഡ് പ്രയോഗിച്ചത്. സാരാമായി പൊളളലേറ്റ യുവാവിന് ഒരു കണ്ണിന്റെ കാഴ്ച നഷ്ടമായിട്ടുണ്ട്.
സമൂഹമധ്യമം വഴി പരിചയപ്പെട്ട ഷീബയും അരുണും ഇഷ്ടത്തിലാകുകയായിരുന്നു. ഷീബ വിവാഹിതയും രണ്ട് കുട്ടികളുടെ അമ്മയുമാണ് എന്ന് അറിഞ്ഞതോടെ അരുണ്‍ ബന്ധത്തില്‍ നിന്നും പിന്മാറാന്‍ ശ്രമിച്ചു. ഇതാണ് ആക്രമണത്തിന് കാരണം.
അരുണിനെ ചൊവ്വാഴ്ച അടിമാലിയിലെ വീട്ടിലേക്ക് വിളിച്ചു വരുത്തി ആസിഡ് ഒഴിക്കുകയായിരുന്നു. ചൊവ്വാഴ്ചയാണ് സംഭവം ഉണ്ടായത്. അതിന് ശേഷം ഒളിവില്‍ പോയ യുവതിയെ ഇന്ന് മുരിക്കാശ്ശേരിയിലെ ഭര്‍ത്താവിന്റെ വീട്ടില്‍ നിന്നാണ് കസ്റ്റഡിയിലെടുത്തത്.
പ്രതികരിക്കാൻ ഇവിടെ എഴുതുക: