കോഴിക്കോട് : പരസ്യമായി ജാതി അധിക്ഷേപം നടത്തിയെന്ന് ആരോപിച്ച് അസിസ്റ്റന്റ് പബ്ലിക് പ്രോസിക്യൂട്ടര്‍ക്കെതിരെ കേസെടുത്തു. മുന്‍ ഡയറക്ടര്‍ ജനറല്‍ പ്രോസിക്യൂഷന്‍ അഡ്മിനിസട്രേഷനായി വിരമിച്ച കോഴിക്കോട് പെരുവയല്‍ സ്വദേശി ബാബുരാജിനെ അധിക്ഷേപിച്ചെന്ന പരാതിയിലാണ് നടപടി. ജാമ്യമില്ലാ വകുപ്പ് പ്രകാരമാണ് കേസെടുത്തത്.
ശനിയാഴ്ചയാണ് സംഭവം. പെരിന്തല്‍മണ്ണ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി എപിപിയാണ് ആരോപണ വിധേയനായ നൗഷാദ്. ഇരുവരും പങ്കെടുത്ത സ്വകാര്യ ചടങ്ങില്‍ വെച്ച് നീ ചെറുമന് അധികാരപണി കിട്ടിയ കളിയല്ലേ കളിച്ചതെന്നു ചോദിച്ച് അധിക്ഷേപിച്ചെന്നും, അസഭ്യം പറഞ്ഞെന്നുമാണ് ആരോപണം.
പട്ടികജാതി ചെറുമ വിഭാഗത്തില്‍ പെടുന്നയാലാണ് ബാബുരാജ്. നൗഷാദിനെതിരെ ജാമ്യാമില്ലാ വകുപ്പാണ് ചുമത്തിയിരിക്കുന്നത്. നല്ലളം പോലീസാണ് എഫ്‌ഐആര്‍ രജിസ്റ്റര്‍ ചെയ്തിരിക്കുന്നത്.
പ്രതികരിക്കാൻ ഇവിടെ എഴുതുക: