മര്ഗോവ: ഐഎസ്എല് പുതിയ സീസണില് കേരള ബ്ലാസ്റ്റേഴ്സ് മികച്ച പ്രകടനം കാഴ്്ചവയ്ക്കുമെന്ന് ബ്ലാസ്റ്റേഴ്സിന്റെ പുതിയ മുഖ്യ പരിശീലകന് ഇവാന് വുകൊമാനോവിക് . ഐഎസ്എല് എട്ടാം സീസണില് എടികെ മോഹന് ബഗാനെതിരായ ഉദ്ഘാടന മത്സരത്തിന്റെ തലേന്ന് മാധ്യമങ്ങളോട് സംസാരിക്കുകയായിരുന്നു അദ്ദേഹം.
ദൈര്ഘ്യമേറിയ പ്രീസീസണ് കളിക്കാരുടെ ഫിറ്റ്സ് മെച്ചപ്പെടുത്തിയിട്ടുണ്ട്. ടീമിന്റെ പ്രകടനം മോശമാകില്ലെന്നാണ് തന്റെ വിശ്വാസമെന്നും സെര്ബിയക്കാരനായ ഇവാന് പറഞ്ഞു. കഴിഞ്ഞ മൂന്നരമാസം ടീം കടുത്ത പരിശീലനത്തിലായിരുന്നു.ഗോവയില് എത്തിയശേഷം സൗഹൃദ മത്സരങ്ങള് കളിച്ചു. മിക്ക മത്സരങ്ങളിലും വ്യക്തമായ ആധിപത്യം സ്ഥാപിക്കാന് കഴിഞ്ഞു. ചില മത്സരങ്ങളില് 120 മിനിറ്റും പൊരുതി. കളിക്കാരുടെ ഫിറ്റ്സില് സന്തോഷമുണ്ട്. പാസിങ്ങിലും ടീം ഏറെ മെച്ചപ്പെട്ടിട്ടുണ്ടെന്നും ഇവാന് കൂട്ടിച്ചേര്ത്തു.
പോയ സീസണില് പിന്നാക്കം പോയ ബ്ലാസ്റ്റേഴ്സ് എട്ടാം സീസണില് പ്ലേ ഓഫ് മോഹവുമായാണ് പന്ത് തട്ടുന്നത്. ടീമിലും കോച്ചിങ് വിഭാഗത്തിലും ചില മാറ്റങ്ങളുമായാണ് ബ്ലാസ്റ്റേഴ്സ് ഇറങ്ങുന്നത്.
