ന്യുയോര്‍ക്ക് : കോട്ടയം സിഎംഎസ് കോളേജ് അലുമ്‌നി അസ്സോസിയഷന്‍ ഓഫ് യുഎസ് ചാപ്റ്റര്‍ സംഘടിപ്പിക്കുന്ന സ്‌കോളര്‍ഷിപ്പ് വിതരണം നവംബര്‍ 19 ന് നടക്കുമെന്ന് സംഘാടകര്‍ അറിയിച്ചു. തിരഞ്ഞെടുത്ത 20 കുട്ടികള്‍ക്കാണ് 20000 വീതം ഓരോ വര്‍ഷവും സ്‌കോളര്‍ഷിപ്പ് നല്‍കുന്നത്.
പഠനം പൂര്‍ത്തിയാക്കുന്നത് വരെയും ഓരോ വര്‍ഷവും സ്‌കോളര്‍ഷിപ്പ് നല്‍കുമെന്നും കൂടാതെ പുതിയ കുട്ടികളെ കണ്ടെത്തി അവര്‍ക്കും സ്‌കോളര്‍ഷിപ്പ് നല്‍കുമെന്നും പ്രസിഡന്റ് പ്രൊഫ.സണ്ണി മാത്യുസ്, സെക്രട്ടറി കോശി ജോര്‍ജ്, ട്രഷറര്‍ ഡോ.റ്റി. വി ജോണ്‍ എന്നിവര്‍ അറിയിച്ചു.
നവംബര്‍ 19 വെള്ളിയാഴ്ച ഇന്ത്യന്‍ സമയം രാവിലെ 9 മണിക്ക് സിഎംഎസ് കോളേജ് ഗ്രേറ്റ് ഹാളില്‍ വച്ച് ചേരുന്ന അവാര്‍ഡ് ദാന ചടങ്ങില്‍ റൈറ്റ് റവ. ഡോ. മലയില്‍ സാബു കോശി ചെറിയാന്‍ ( ബിഷപ്പ് ഓഫ് സി.എസ്.ഐ മദ്ധ്യകേരള ഡയോസിസ് ) മുഖ്യാതിഥിയായി പങ്കെടുക്കും .
പരിപാടിയില്‍ എല്ലാവരും പങ്കെടുക്കണമെന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് : പ്രൊഫ: സണ്ണി മാത്യുസ് 2017368767, കോശി ജോര്‍ജ് 7183148171.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: