മരക്കാര് ഉള്പ്പെടെയുള്ള ചിത്രങ്ങളോട് മത്സരിക്കാന് സുരേഷ് ഗോപി സിനിമയും തിയറ്ററുകളിലേക്ക് എത്തുന്നു. ആരാധകരുടെ കാത്തിരിപ്പിന് വിരാമം കുറിച്ച് ‘കാവല്’ സിനിമയുടെ റിലീസ് സുരേഷ് ഗോപി പ്രഖ്യാപിച്ചു. ഈ മാസം 25നാണ് കാവല് തിയറ്ററുകളില് റിലീസ് ചെയ്യുന്നത്.
”എന്റെ ഏറ്റവും പുതിയ ചിത്രമായ ‘കാവല്’ ഈ മാസം 25ന് നിങ്ങളിലേക്ക് എത്തുകയാണ്. എല്ലാവരും തിയേറ്ററുകളില് തന്നെ വന്ന് ചിത്രം കണ്ട് ആസ്വദിക്കുക. പ്രാര്ത്ഥനകള് കൂടെയുണ്ടാകണം!” എന്നു സുരേഷ് സോഷ്യല് മീഡിയയിലൂടെ അഭ്യര്ത്ഥിച്ചു. ഗുഡ് വില് എന്റര്ടൈയ്ന്മെന്റിന്റെ ബാനറില് ജോബി ജോര്ജ്ജ് നിര്മ്മിക്കുന്ന ബിഗ് ബജറ്റ് ചിത്രം സംവിധാനം ചെയ്തിരിക്കുന്നത് നിഥിന് രഞ്ജി പണിക്കരാണ്.
സംവിധായകനായ നിഥിന് രഞ്ജി പണിക്കരാണ് കാവലിന്റെ തിരക്കഥ എഴുതിയിരിക്കുന്നത്. പത്മരാജ് രതീഷ്, മുത്തുമണി, റേച്ചല് ഡേവിഡ്, ഇവാന്, അനില്, സാദീഖ്, കിച്ചു ടെല്ലസ്, ബേബി പാര്വ്വതി, ശ്രീജിത്ത് രവി, സുരേഷ് കൃഷ്ണ. അംബിക മോഹന്, അനിതാ നായര്, അജ്ഞലി നായര്, രഞ്ജി പണിക്കര് തുടങ്ങി വന് താരനിരയാണ് ചിത്രത്തില് ഉള്ളത്. ചിത്രത്തിന്റെ ടെയില് എന്ഡ് എഴുതിയത് രഞ്ജി പണിക്കരാണ്.
കോടികളുടെ ഡിജിറ്റല് റിലീസ് വാഗ്ദാനം വേണ്ടെന്ന് വച്ചാണ് ‘കാവല്’ സിനിമ തിയേറ്റര് റിലീസിനായി ഒരുങ്ങുന്നത്. ഏഴു കോടി രൂപയാണ് ഒരു മുന്നിര ഡിജിറ്റല് റിലീസ് പ്ലാറ്റഫോം ഈ ചിത്രത്തിനായി ഓഫര് ചെയ്തത്. ഹൈറേഞ്ച് പശ്ചാത്തലത്തില് രണ്ടു കാലഘട്ടത്തിന്റെ കഥ ദൃശ്യവല്ക്കരിക്കുന്ന ഈ ചിത്രം ഒരു ആക്ഷന് ഫാമിലി ഡ്രാമ ആയിരിക്കുമെന്ന് നിഥിന് പറഞ്ഞു.
