മുംബൈ : പണം വാങ്ങി വഞ്ചിച്ചെന്ന കേസില്‍ ബോളീവുഡ് നടി ശില്‍പ ഷെട്ടിക്കും ഭര്‍ത്താവ് രാജ് കുന്ദ്രയ്ക്കുമെതിരെ കേസെടുത്തു. നിതിന്‍ ബറായി എന്നയാളടെ പരാതിയില്‍ ബാന്ദ്ര സ്റ്റേഷനില്‍ ഇരുവര്‍ക്കുമെതിരെ പരാതി നല്‍കിയത്.
2014ല്‍ എസ്എഫ്എല്‍ ഫിറ്റ്നസ് ഡയറക്ടറായ കാസിഫ് ഖാന്, ശില്‍പ ഷെട്ടി, രാജ് കുന്ദ്ര എന്നിവര്‍ അവരുടെ സ്ഥാപനത്തില്‍ 1.5 കോടി രൂപ നിക്ഷേപിച്ചാല്‍ ലാഭം നല്‍കാമെന്ന് ഇവര്‍ വാഗ്ദാനം ചെയ്തെന്നും പരാതിയില്‍ പറയുന്നു. ഇതു പ്രകാരം നിതിന്റെ പിതാവ് കാസിഫ് ഖാന് പണം നല്‍കുകയും ചെയ്തിരുന്നു. എസ്എഫ്എല്‍ ഫിറ്റ്നസ് കമ്പനി ഒരു ഫ്രാഞ്ചൈസി അനുവദിക്കാമെന്നും ഡഹാസ്പര്‍, കൊറേഗാവ് എന്നിവിടങ്ങളില്‍ ജിം, സ്പാ എന്നിവ ആരംഭിക്കാന്‍ സഹായിക്കാമെന്നായിരുന്നു ഇവരുടെ വാഗ്ദാനം.
പണം വാങ്ങി വര്‍ഷങ്ങള്‍ കഴിഞ്ഞിട്ടും വാഗ്ദാനങ്ങള്‍ നടപ്പാകാതിരുന്നപ്പോള്‍ പണം തിരികെ ചോദിച്ചെങ്കിലും ഇവര്‍ ഭീഷണിപ്പെടുത്തിയെന്നും പരാതിക്കാരന്‍ ആരോപിച്ചു. ഐപിസി 420, 120ബി, 506, 34 വകുപ്പുകള്‍ പ്രകാരമാണ് ഇരുവര്‍ക്കുമെതിരെ പോലീസ് കെസെടുത്തിരിക്കുന്നത്.
നീലച്ചിത്ര നിര്‍മാണവുമായി ബന്ധപ്പെട്ടും രാജ് കുന്ദ്രയ്‌ക്കെതിരെ കേസെടുത്തിട്ടുണ്ട്. ഏറെ നാളത്തെ ജയില്‍വാസത്തിന് ശേഷം അടുത്തിടെയാണ് പുറത്തിറങ്ങിയത്.
പ്രതികരിക്കാൻ ഇവിടെ എഴുതുക: