ഇംഫാല്: മണിപ്പൂരില് അസം റൈഫിള്സിന് നേരെ ഭീകരാക്രമണം. മൂന്ന് പേര് കൊല്ലുപ്പെട്ടതായാണ് റിപ്പോര്ട്ട്. കമാന്ഡിങ് ഓഫീസര് വിപ്ലവ് ത്രിപാദിയും കുടുംബവും സഞ്ചരിച്ച വാഹനത്തിന് നേരെയാണ് ആക്രമണം ഉണ്ടായത്. ഏഴ് പേര്ക്ക് ഗുരുതരമായി പരിക്കേറ്റതായാണ് റിപ്പോര്ട്ടുകള്. ഉടന് തന്നെ ഇവരെ സമീപത്തെ ആശുപത്രിയില് പ്രവേശിപ്പിക്കുകയും ചെയ്തു.
ചുരാചന്ദ് ജില്ലയിലെ ശേഖന് ഗ്രാമത്തില് വെച്ചായിരുന്നു ആക്രമണം. ആക്രമണത്തില് കമാന്ഡിങ് ഓഫീസറും, ഭാര്യയും, മകനും സംഭവസ്ഥലത്തുവച്ചുതന്നെ കൊല്ലപ്പെട്ടു. മറ്റ് മൂന്ന് സൈനികര്ക്കും പരിക്കേറ്റതായാണ് റിപ്പോര്ട്ടുകള്. അവരുടെ പരിക്ക് ഗുരുതരമാണ്. മരണസംഖ്യ ഉയരുമെന്നാണ് റിപ്പോര്ട്ടുകള്.
ആക്രമണത്തെ ശക്തമായി അപലപിച്ച അസം മുഖ്യമന്ത്രി ഹിമന്ത ബിശ്വാസ് ശര്മ്മ കുറ്റവാളികള്ക്കെതിരെ കര്ശനനടപടി സ്വീകരിക്കുമെന്ന് പറഞ്ഞു. മണിപ്പൂർ ആസ്ഥാനമായുള്ള പീപ്പിൾസ് ലിബറേഷൻ ആർമിയാണ് ആക്രമണത്തിന് പിന്നിലെന്ന് സംശയിക്കുന്നു.
