ബാഴ്‌സലോണ: അര്‍ജന്റീനിയന്‍ സ്‌ട്രൈക്കര്‍ സെര്‍ജിയോ അഗ്യൂറോ വിരമിക്കാന്‍ ഒരുങ്ങുന്നതായി റിപ്പോര്‍ട്ട്. ഹൃദയസംബന്ധമായ പ്രശ്‌നങ്ങളെ തുടര്‍ന്ന് ബാഴ്‌സ താരം അഗ്യൂറോ വിരമിച്ചേക്കുമെന്ന് കാറ്റലോണിയ റേഡിയോ റിപ്പോര്‍ട്ട് ചെയ്തു.
ലാ ലിഗയില്‍ അലാവസിനെതിരായ മത്സരത്തിലാണ് അഗ്യുറോയ്‌ക്ക് ഹൃദ്‌രോഗ ലക്ഷണങ്ങള്‍ കണ്ടത്. കളിക്കിടെ നെഞ്ചുവേദന അനുഭവപ്പെട്ട അഗ്യൂറോയ്‌ക്ക് മത്സരത്തില്‍ നിന്ന് പിന്മാറേണ്ടിവന്നു. തുടര്‍ന്ന് ആശുപത്രിയില്‍ എത്തിച്ച് നടത്തിയ പരിശോധനയിലാണ് രോഗലക്ഷണങ്ങള്‍ കണ്ടത്. തുടര്‍ ചികിത്സകള്‍ ആവശ്യമായതിനാല്‍ അടുത്ത മൂന്ന് മാസത്തേക്ക് അഗ്യൂറോക്ക് കളിക്കാനാകില്ലെന്ന് ബാഴ്‌സലോണ ക്ലബ്ബ് പ്രസ്താവനയില്‍ അറിയിച്ചു.
പ്രതികരിക്കാൻ ഇവിടെ എഴുതുക: