മുംബൈ: അധോലോക നായകന് ദാവൂദ് ഇബ്രാഹിമുമായി ബന്ധമുണ്ടെന്ന നവാബ് മാലിക്കിന്റെ പ്രത്യാരോപണം മുന് മഹാരാഷ്ട്ര മുഖ്യമന്ത്രിയും ബിജെപി നേതാവുമായ ഫഡ്നാവിസ് തള്ളി. എന്തായാലും പന്നിയുമായി മൽപ്പിടുത്തത്തിനില്ലെന്നും ദേഹത്ത് ചെളി പറ്റുമെന്നും ഫഡ്നവിസ് പ്രതികരിച്ചു.
ബോംബെ സ്ഫോടനക്കേസിലെ പ്രതികളുടെ ഭൂമി രക്ഷിക്കാനുദ്ദേശിച്ചുള്ളതായിരുന്നു മൂന്നേക്കര് ഭൂമിയുടെ ഇടപാടെന്നും ഇതിന് പണം നല്കിയത് നവാബ് മാലിക്കിന്റെ മകന് ഫറസ് മാലിക്കുമുണ്ടെന്നും ഫഡ്നാവിസ് ആരോപിച്ചിരുന്നു. എന്നാല് ഈ ആരോപണങ്ങള്ക്കൊന്നും നവാബ് മാലിക്ക് മറുപടി പറഞ്ഞില്ല. പകരം പുതിയ ചില ആരോപണങ്ങള് ഫഡ്നാവിസിനെതിരെ ഉന്നയിക്കുകയാണ് ചെയ്തത്. ഇതിലാണ് ദാവൂദിന്റെ അനുയായി റിയാസ് ഭട്ടിയുമായി ഫഡ്നാവിസിന് ബന്ധമുണ്ടെന്ന് നവാബ് മാലിക്ക് ആരോപിച്ചത്. വ്യാജപാസ്പോര്ട്ട് കേസില് അറസ്റ്റിലായ റിയാസ് ഭട്ടിയെ ഫഡ്നാവിസിന്റെ കാലത്ത് വിട്ടയച്ചുവെന്നാണ് നവാബ് മാലിക്ക് ആരോപിച്ചത്. ഈ ആരോപണങ്ങളില് യാതൊരു കഴമ്പുമില്ലെന്ന് പറയപ്പെടുന്നു. ഇതുപോലെ ഒട്ടനവധി ആരോപണങ്ങള് നവാബ് മാലിക്ക് ഉന്നയിച്ചിരുന്നു. ഇതോടെയാണ് പ്രതിരോധിക്കാനായി ഫഡ്നാവിസ് ബെര്ണാഡ് ഷായുടെ വാക്കുകള് കടമെടുത്തത്
ആരോപണങ്ങള്ക്കെല്ലാം മാലിക്കിനുള്ള മറുപടി ട്വിറ്ററിലാണ് ഫഡ്നാവിസ് കുറിച്ചത്. എഴുത്തുകാരനും നാടകകൃത്തുമായ ജോര്ജ്ജ് ബെര്ണാഡ്ഷായുടെ ഒരു വാചകം ഉദ്ധരിച്ചാണ് ഫഡ്നാവിസ് രസകരമായി ഇതിന് മറുപടി പറഞ്ഞത്. ‘പന്നിയുമായി മൽപ്പിടുത്തത്തിന് പോകരുതെന്ന് പണ്ട് ഞാൻ പഠിച്ചിട്ടുണ്ട്. നമ്മുടെ ദേഹത്ത് മണ്ണ് പറ്റും, പന്നി അത് ആസ്വദിക്കുകയും ചെയ്യും.‘ ബർണാഡ് ഷായെ ഉദ്ധരിച്ച് ഫഡ്നവിസ് കുറിച്ചു.
