തിരുവനന്തപുരം: സംസ്ഥാന സര്‍ക്കാര്‍ ഇന്ധന നികുതി കുറക്കാത്തതില്‍ പ്രതിഷേധിച്ച് യുവമോര്‍ച്ച സംസ്ഥാന വ്യാപകമായി നടത്തുന്ന സമരത്തെ പോലീസിനെ ഉപയോഗിച്ച് അടിച്ചമര്‍ത്താനാണ് സര്‍ക്കാര്‍ ശ്രമിക്കുന്നത്. ഇത്തരത്തില്‍ സമരത്തെ ചോരയില്‍ മുക്കാനുള്ള നീക്കം അനുവദിച്ച് തരില്ലെന്ന് യുവമോര്‍ച്ച സംസ്ഥാന അധ്യക്ഷന്‍ സിആര്‍ പ്രഫുല്‍ കൃഷ്ണന്‍ പറഞ്ഞു.
തിരുവനന്തപുരത്തും പാലക്കാടും കൊല്ലത്തും നടത്തിയ സമരങ്ങള്‍ക്ക് നേരെ പ്രകോപനമില്ലാതെ ക്രൂരമായ ലാത്തിചാര്‍ജ്ജാണ് പോലീസ് നടത്തിയത്.ഇന്ധന വില കുറക്കുന്നതിന് പകരം സര്‍ക്കാര്‍പോലീസ് നെ ഉപയോഗിച്ച് ബോധപൂര്‍വ്വമായ സംഘര്‍ഷങ്ങള്‍ക്ക് ശ്രമിക്കുകയാണ്.
കേന്ദ്രം കുറച്ചാല്‍ കേരളവും കുറക്കുമെന്ന് പറഞ്ഞ എല്‍ഡിഎഫ് നേതാക്കള്‍ സ്വയം പരിഹാസ്യരാവുകയാണ്. കള്ള കേസുകള്‍ ചുമത്തിയും ലാത്തിചാര്‍ജ് ചെയ്തും ജനകീയ സമരങ്ങളെ അടിച്ചമര്‍ത്താമെന്നത് മുഖ്യമന്ത്രിയുടെ വ്യാമോഹമാണ്. വരും ദിവസങ്ങളില്‍ കൂടുതല്‍ ശക്തതമായ ജനകീയ സമരങ്ങള്‍ക്ക് യുവമോര്‍ച്ച നേതൃത്വം നല്‍കുമെന്നും അദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: