ആലപ്പുഴ: പൈതൃക പദ്ധതിയില് പോര്ട്ട് മ്യൂസിയത്തിന്റെ ഭാഗമായി ബീച്ചില് സ്ഥാപിച്ചിട്ടുള്ള പടക്കപ്പല് ഇന്ഫാക് – 81 ന്റെ ചിത്രം 15 ചിത്രകാരന്മാര് ലൈവ് ചിത്രരചനയിലൂടെ ക്യാന്വാസിലാക്കി. ആലപ്പുഴ ബീച്ചില് നടന്ന ചിത്രരചന നഗരസഭ അദ്ധ്യക്ഷ സൗമ്യ രാജ് പടക്കപ്പലിന്റെ ചിത്രം ആലേഖനം ചെയ്ത കേക്ക് മുറിച്ച് ഉദ്ഘാടനം ചെയ്തു. പടക്കപ്പലിനെ ആലപ്പുഴ കടപ്പുറത്ത് എത്തിക്കുന്നതില് നേതൃത്വം നല്കിയ രാജേശ്വരി എസ്. പിള്ളയെ ചടങ്ങില് പടക്കപ്പലിന്റെ മാതൃക നല്കി ആദരിച്ചു.
അഡ്രിയ കോണി, രാകേഷ് അന്സേര, അജേഷ് എസ് ജോര്ജ്ജ്, ബാബു ഹസന്, ബിജു തമ്പകച്ചുവട്, ഡയാന ബൈജു, ഇന്ദു പ്രതീഷ്, ജില് ജില് വക്കച്ചന്, കലേഷ്, കീര്ത്തി, ലാല്, രതീഷ് സുകുമാരന്, ശിവദാസ് വാസു ,സാം തോമസ്, വിനേഷ്, മോഹനന് എന്നീ കലാകാരന്മാരാണ് ചിത്രരചനയില് പങ്കെടുത്തത്.
