ലഖ്‌നൗ: വിദേശ പണം ഉപയോഗിച്ച് മതപരിവര്‍ത്തനം നടത്തുന്ന സംഘത്തിലെ ഒരാള്‍ കൂടി പിടിയില്‍. സംഘത്തിലെ തലവനും നിലവില്‍ പോലീസ് കസ്റ്റഡിയില്‍ തുടരുന്നതുമായ ഉമര്‍ ഗൗതമിന്റെ മകന്‍ അബ്ദുള്ളയാണ് പിടിയിലായത്. യുപി പോലീസിന്റെ പ്രത്യേക സംഘമാണ് ഒളിവിലായ അബ്ദുള്ളയെ പിടികൂടിയത്.
ഇയാള്‍ പണം നല്‍കി വികലാംഗരായ കുട്ടികളെ അടക്കം കൂട്ടത്തോടെ മതപരിവര്‍ത്തനം നടത്തിയിരുന്നു. വിദേശത്ത് നിന്നാണ് ഇയാള്‍ക്ക് ഇതിനായി പണം ലഭിച്ചിരുന്നത്. ഇതുസംബന്ധിച്ച് തെളിവുകള്‍ പോലീസിന് ലഭിച്ചിട്ടുണ്ട്. കേസിലെ മറ്റ് പ്രതികളായ ജഹാംഗീര്‍ അലം, ഖ്വസാര്‍, ഫറാസ് ഷാ എന്നിവരുമായി ഇയാള്‍ക്ക് അടുത്ത ബന്ധം ഉണ്ടെന്നു പോലീസ് പറയുന്നു.
ഉമര്‍ ഗൗതം പിടിയിലായതിന് പിന്നാലെ ഇയാള്‍ ഒളിവില്‍ പോകുകയായിരുന്നു. രഹസ്യവിവരത്തിന്റെ അടിസ്ഥാനത്തില്‍ നടത്തിയ പോലീസ് നീക്കത്തിനൊടുവില്‍ ബുദ്ധ നഗറില്‍ നിന്നാണ് ഇയാളെ പിടികൂടിയത്.
പ്രതികരിക്കാൻ ഇവിടെ എഴുതുക: