തിരുവനന്തപുരം : വൈരാഗ്യ ബുദ്ധിയോടെ താന് ആരോടും പെരുമാറിയിട്ടില്ല. പരമാവധി മൗനം പാലിക്കാനാണ് ശ്രമിക്കുന്നതെന്ന് മുന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. കോണ്ഗ്രസ് പുനസംഘന വിഷയത്തില് മുല്ലപ്പള്ളി വൈരാഗ്യ ബുദ്ധിയോടെയാണ് പെരുമാറുന്നതെന്ന് കെപിസിസി പ്രസിഡന്റ് കെ. സുധാകരന് എംപിയുടെ പ്രസ്താവനയോട് പ്രതികരിക്കുകയായിരുന്നു അദ്ദേഹം.
ഇന്നേവരെ താന് ആരോടും വൈരാഗ്യ ബുദ്ധിയോടെ പെരുമാറിയിട്ടില്ല. പരമാവധി മൗനം പാലിക്കാനാണ് ശ്രമിക്കുന്നത്. തന്റെ മൗനം പോലും വാചാലമാണ്. ഇത് പൊതു സമൂഹത്തിനും അറിയാവുന്നതാണെന്നും മുല്ലപ്പള്ളി മാധ്യമങ്ങളോട് പ്രതികരിച്ചു.
കെ. സുധാകരനെ താന് വിമര്ശിച്ചിട്ടില്ല. അദ്ദേഹം നന്നായി പ്രവര്ത്തിക്കണമെന്ന് വിചാരിക്കുന്നതു കൊണ്ടാണ് മൗനം പാലിക്കുന്നത്. പ്രസിഡന്റാകാന് മത്സരിക്കുന്ന ആള് തന്നെ സംഘടന തെരഞ്ഞെടുപ്പ് നടത്തുന്നത് വിശ്വാസ്യത തകര്ക്കും. തെരഞ്ഞെടുപ്പ് പ്രഖ്യാപിച്ചു കഴിഞ്ഞാല് പിന്നീട് പുനസംഘടന എന്ന് പറയുന്നത് അധാര്മ്മികമാണെന്നും മുല്ലപ്പള്ളി പറഞ്ഞു.
എഐസിസി സംഘടനാ തെരഞ്ഞെടുപ്പ് പ്രഖ്യാപിച്ച സാഹചര്യത്തില് പുനഃസംഘടന നിര്ത്തിവെക്കണമെന്ന ആവശ്യം കെപിസിസി നേതൃയോഗത്തില് കഴിഞ്ഞ ദിവസം ഉയര്ന്നിരുന്നു. പുനഃസംഘടനയോടുള്ള ഭിന്നത വ്യക്തമാക്കി എ, ഐ ഗ്രൂപ്പുകള് രംഗത്തെത്തുകയും ചെയ്തിരുന്നു. എന്നാല് ഗ്രൂപ്പ് നിര്ദേശങ്ങള് കെപിസിസി അധ്യക്ഷന് കെ സുധാകരന് തള്ളുകയായിരുന്നു.
പാര്ട്ടിയുടെ മുന്നോട്ടുള്ള പ്രയാണത്തില് ഒരു തടസവും ഉണ്ടാകരുതെന്ന് തനിക്ക് നിര്ബന്ധമുണ്ട്. അതിനാലാണ് മൗനിയായി ഇരിക്കുന്നത്. സുധാകരന് പറഞ്ഞ കാര്യങ്ങള്ക്കെല്ലാമുള്ള മറുപടി കേരളത്തിലെ ജനങ്ങള് തന്നെ നല്കുമെന്നാണ് വിശ്വാസമെന്നും മുല്ലപ്പള്ളി കൂട്ടിച്ചേര്ത്തു.
