മാഞ്ചസ്റ്റര്‍: മാഞ്ചസ്റ്റര്‍ ഡര്‍ബിയില്‍ യുണൈറ്റഡിന് തോല്‍വി. ഓള്‍ഡ്ട്രാഫോഡല്‍ നടന്ന പ്രീമിയര്‍ ലീഗ് പോരാട്ടത്തില്‍ മാഞ്ചസ്റ്റര്‍ സിറ്റി ഏകപക്ഷീയമായ രണ്ട് ഗോളുകള്‍ക്ക് മാഞ്ചസ്റ്റര്‍ യുണൈറ്റഡിനെ തോല്‍പ്പിച്ചു. ബെര്‍നാര്‍ഡോ സില്‍വ ഒരു ഗോള്‍ നേടി. ഒരു ഗോള്‍ യുണൈറ്റഡിന്റെ ദാനമായിരുന്നു. ബെയ്‌ലിയാണ് സെല്‍ഫ് ഗോള്‍ വഴങ്ങിയത്.
മത്സരത്തിന്റെ ഏഴാം മിനിറ്റില്‍ തന്നെ യുണൈറ്റഡിന് തിരിച്ചടിയേറ്റു. ബെയ്‌ലി സെല്‍ഫ് ഗോള്‍ വഴങ്ങിയതോടെ മാഞ്ചസ്റ്റര്‍ സിറ്റി 1-0 ന് മുന്നിലായി. ആദ്യ പകുതിയുടെ അവസാന നിമിഷങ്ങളില്‍ ബെര്‍നാര്‍ഡോ സില്‍വ ലക്ഷ്യം കണ്ടതോടെ സിറ്റി 2-0 ന്റെ ലീഡ് നേടി. രണ്ടാം പകുതിയില്‍ ഗോള്‍ മടക്കനായി യുണൈറ്റഡ് കിണഞ്ഞു പരിശ്രമിച്ചെങ്കിലും ലക്ഷ്യം നേടാനായില്ല.
ഈ വിജയത്തോടെ മാഞ്ചസ്റ്റര്‍ സിറ്റി 11 മത്സരങ്ങളില്‍ 23 പോയിന്റുമായി രണ്ടാം സ്ഥാനത്തെത്തി. അതേസമയം, മാഞ്ചസ്റ്റര്‍ യുണൈറ്റഡ്് 11 മത്സരങ്ങളില്‍ 17 പോയിന്റോടെ അഞ്ചാം സ്ഥാനത്താണ്്.
പ്രതികരിക്കാൻ ഇവിടെ എഴുതുക: