ന്യൂദല്‍ഹി : ഇന്ത്യയില്‍ തദ്ദേശീയമായി വികസിപ്പിച്ച കോവിഡ് വാക്്‌സിനായ കൊവാക്സിന് സ്വീകരിച്ചവര്‍ക്ക് യുഎസ് യാത്രാ അനുമതി ആയി. രണ്ടു ഡോസും സ്വീകരിച്ചവര്‍ക്കാണ് അനുമതി നല്‍കിയിട്ടുള്ളത്. തിങ്കളാഴ്ച മുതല്‍ ഇത് പ്രാബല്യത്തില്‍ വരും.
ലോകാരോഗ്യ സംഘടന ബുധനാഴ്ച കൊവാക്സിന് അംഗീകാരം നല്‍കിയിരുന്നു. അതിനു പിന്നാലെയാണ് അമേരിക്കയുടെ തീരുമാനം. ഡബ്ല്യൂഎച്ച് ഒയുടെ അംഗീകാരം ലഭിക്കാത്തതിനാല്‍ കൊവാക്സിന് പലരാജ്യങ്ങളിലും അംഗീകാരം ഇല്ലാതിരുന്നത് ഈ വാക്‌സിന്‍ എടുത്തവരുടെ വിദേശയാത്രയ്‌ക്ക് തടസം സൃഷ്ടിച്ചിരുന്നു. ഈ പ്രശ്‌നത്തിന് കൂടി പരിഹാരമാകുകയാണ് ലോകാരോഗ്യ സംഘടനയുടെ അംഗീകാരം.
കഴിഞ്ഞ വര്‍ഷം ജൂലൈയിലാണ് ആഗോള അംഗീകാരത്തിന് നിര്‍മ്മതാക്കാളായ ഭാരത് ബയോടെക്ക് അപേക്ഷ സമര്‍പ്പിച്ചത്. പിന്നീട് ചേര്‍ന്ന വിദഗ്ധസമിതി പരീക്ഷണത്തിന്റെ കൂടുതല്‍ വിവരങ്ങള്‍ കമ്പനിയില്‍ നിന്ന് തേടിയിരുന്നു. ഇതുകൂടി പരിശോധിച്ചാണ് അടിയന്തര ഉപയോഗത്തിനുള്ള അന്തിമ അംഗീകാരം ലഭിച്ചത്. ലോകാരോഗ്യ സംഘടനയുടെ അനുമതി ലഭിക്കുന്ന ഏട്ടാമത്തെ കോവിഡ് പ്രതിരോധ വാക്‌സീനാണ് കൊവാക്സിന്.
പ്രതികരിക്കാൻ ഇവിടെ എഴുതുക: