ന്യൂദല്ഹി: മോദി സര്ക്കാരിന്റെ നിര്ദേശം സ്വീകരിച്ച് ഉത്തര്പ്രദേശ് സര്ക്കാരും ഇന്ധന വില കുറച്ചു. പെട്രോളിനും ഡീസലിനും 12 രൂപ വീതമാണ് യോഗി ആദിത്യനാഥ സര്ക്കാര് കുറച്ചത്. കഴിഞ്ഞ ദിവസം രാത്രിയോടെ കേന്ദ്ര സര്ക്കാര് പെട്രോളിന്റെ എക്സൈസ് തീരുവ അഞ്ചു രൂപയും ഡീസലിന്റെ തീരുവ പത്തു രൂപയുമായി കുറച്ചതിനു പിന്നാലെ ബിജെപി സര്ക്കാരുകള് സംസ്ഥാന ഇന്ധന നികുതികള് കുറച്ചിരുന്നു.
ബിജെപി ഭരിക്കുന്ന കര്ണാടക, ഗോവ സര്ക്കാരുകളാണ് കേന്ദ്ര തീരുമാനത്തിനു പിന്നാലെ ആദ്യം ഇന്ധന നികുതി കുറച്ചത്. ഏഴ് രൂപയാണ് ഇരു സംസ്ഥാനങ്ങളും കുറച്ചത്. ഇതോടെ ഗോവയില് ഡീസലിന് ലിറ്ററിന് 17 രൂപയും പെട്രോള് ലിറ്ററിന് 12 രൂപയും കുറയും. അടുത്തിടെ, ആഗോളതലത്തില് അസംസ്കൃത എണ്ണയുടെ വില കുതിച്ചുയര്ന്നിരുന്നു. ഇതേത്തുടര്ന്ന് പെട്രോള്, ഡീസല് വിലയും കൂടി.
കൊവിഡിനു ശേഷം കാര്ഷിക, സേവന മേഖലകളില് അടക്കം സമ്പദ് വ്യവസ്ഥയുടെ എല്ലാ മേഖലകളിലും കാര്യമായ വളര്ച്ച ദൃശ്യമായിട്ടുണ്ട്. സാമ്പത്തിക പ്രവര്ത്തനങ്ങളും വലിയ തോതില് മെച്ചപ്പെട്ടു. സമ്പദ് വ്യവസ്ഥയ്ക്ക് കൂടുതല് കുതിപ്പു പകരാന് വേണ്ടിയാണ് എക്സൈസ് തീരുവ കുറച്ചതെന്നും കേന്ദ്ര സര്ക്കാര് പത്രക്കുറിപ്പില് അറിയിച്ചു. പെട്രോള്, ഡീസല് എന്നിവയുടെ മൂല്യാധിഷ്ഠിത നികുതി കുറച്ച് ഉപഭോക്താക്കള്ക്ക് ആശ്വാസം പകരണമെന്ന് സംസ്ഥാനങ്ങളും ആവശ്യപ്പെട്ടിരുന്നുവെന്നും കേന്ദ്രം വ്യക്തമാക്കി.
