പാലക്കാട്: ആനക്കൊമ്പുകളുമായി മൂന്നുപേര് പിടിയില്. കോയമ്പത്തൂര് സ്വദേശികളായ കറുപ്പുസ്വാമി(41), റഹ്മത്തുള്ള (43), കല്മണ്ഡപം സ്വദേശി ഫൈസല് (42) എന്നിവരെയാണ് വനം വകുപ്പ് ഉദ്യോഗസ്ഥര് പിടികൂടിയത്. ഇവരില് നിന്ന് രണ്ട് കൊമ്പുകള് കണ്ടെടുത്തു.
റഹ്മത്തുള്ള, ബന്ധുവായ ഫൈസലിന്റെ സഹായത്തോടെ ആനക്കൊമ്പ് വില്ക്കുന്നതിന് സ്റ്റേഡിയം ബസ് സ്റ്റാന്ഡ് പരിസരത്ത് കാത്തുനില്ക്കുന്നുണ്ടെന്നുള്ള രഹസ്യവിവരത്തെ തുടര്ന്ന് ഫ്ലൈയിങ് സ്വകാഡ് എത്തി പിടികൂടുകയായിരുന്നു. ഇവരില് നിന്ന് ബൈക്കും പിടിച്ചെടുത്തു.
ഡെപ്യൂട്ടി റേഞ്ച് ഓഫീസര് ദീലിപിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കൂടുതല് അന്വേഷണത്തിനായി പ്രതികളെയും ആനക്കൊമ്പുകളും വാളയാര് വനം വകുപ്പിന് കൈമാറി.
