സംവിധായകന്‍ സന്ദീപ് അജിത് കുമാര്‍ സംവിധാനം ചെയ്ത പ്രണയ ആല്‍ബം കനവില്‍ നീ റീലീസ് ചെയ്തു. ഗ്രീന്‍ ട്യൂണ്‍സ് യൂട്യൂബ് ചാനലില്‍ റിലീസ് ചെയ്ത ആല്‍ബം പ്രമേയത്തിലെ വ്യത്യസ്തത കൊണ്ട് ഇതിനോടകം തന്നെ നിരവധി പ്രേക്ഷകരെ ആകര്‍ഷിച്ചു കഴിഞ്ഞു.
സീ കേരളം സരിഗമപ റിയാലിറ്റി ഷോ സീസണ്‍ വണ്ണിലെ വിജയി ലിബിന്‍ സ്‌കറിയയാണ് ഗാനം ആലപിച്ചിരിക്കുന്നത്. പുതുമുഖമായ ജസ്റ്റിന്‍ ജോസഫാണ് വരികള്‍ എഴുതി സംഗീതം നല്‍കിയത്. ഒരു സുന്ദരിയായ നൃത്താധ്യാപികയെ പ്രണയിച്ച യുവാവിന്റെ പ്രണയകഥയാണ് ആല്‍ബത്തിന്റെ ഇതിവൃത്തം. പ്രേക്ഷകരെ ആകര്‍ഷിക്കുന്ന വിധത്തില്‍ മനോഹരമായ രീതിയിലാണ് സംവിധായകന്‍ ഇത് ചിത്രീകരിച്ചിരിക്കുന്നത്.
ഇറിഗല്‍ മൗണ്ട് പ്രൊഡക്ഷന്‍സ് അവതരിപ്പിക്കുന്ന കനവില്‍ നീ, സന്ദീപ് അജിത് കുമാര്‍ സംവിധാനം ചെയ്യുന്നു. ക്യാമറ- അഷ്‌റഫ് പാലാഴി, എഡിറ്റിങ്- ഷലീഷ് ലാല്‍, മേക്കപ്പ്- പുനലൂര്‍ രവി, കോര്‍ഡിനേഷന്‍- ബൈജു അത്തോളി, പി.ആര്‍.ഒ- അയ്മനം സാജന്‍. അഖിലേഷ് ഈശ്വര്‍, ആര്യദേവി, ബേബി ആരാധ്യ പി. നമ്പ്യാര്‍, രമ്യ നമ്പ്യാര്‍ എന്നിവര്‍ അഭിനയിക്കുന്നു.
പ്രതികരിക്കാൻ ഇവിടെ എഴുതുക: