യുവതാരം ഹാന കൃഷ്ണ ആദ്യമായി സംവിധാനം ചെയ്ത തോന്നല് എന്ന മ്യൂസിക്കല്‍ വീഡിയോയെ ഏറ്റെടുത്ത് ആസ്വാദകര്‍. സംഗീത പ്രേമികള്‍ മാത്രമല്ല ആഹാര പ്രേമികളുമെല്ലാം ഇരു കൈയ്യും നീട്ടി സ്വീകരിച്ചിരിക്കുകയാണ് തോന്നലിനെ. പുറത്തിറക്കി രണ്ടു ദിവസം കൊണ്ടു തന്നെ രണ്ടു മില്യണ്‍ വ്യൂസ് കടന്ന തോന്നലിന് സിനിമാ മേഖലയിലുള്ളവരും ആശംസകളറിയിച്ചു. തോന്നലില്‍ അഹാന തന്നെയാണ് കേന്ദ്ര കഥാപാത്രമായി കാഴ്ചക്കാര്‍ക്ക് മുന്നിലെത്തുന്നതും.
വളരെ നിസ്സാരമായൊരു ആശയമാണ് വീഡിയോയിലുള്ളത്. എന്നാല്‍ അതിനെ അവതരിപ്പിച്ചിരിക്കുന്ന രീതിയാണ് തോന്നലിനെ ആസ്വാദ്യമാക്കുന്നത്. ഷര്‍ഫുവിന്റെ വരികള്‍ക്ക് ഗോവിന്ദ് വസന്തയാണ് സംഗീതം നല്‍കിയിരിക്കുന്നത്. ഹാനിയ നിഫാസയാണ് ആലാപനം. ഛായാഗ്രഹണം എടുത്തു പറയേണ്ട ഒരു ഘടകം തന്നെയാണ്. അഹാനയുടെ തോന്നലിനെ കാഴ്ചക്കാരന്റെ തോന്നലാക്കി മാറ്റുന്നത് നിമിഷ് രവിയുടെ ഛായാഗ്രഹണമാണ്.
അഹാനയെന്ന അഭിനേത്രി ആദ്യമായി സംവിധാന കുപ്പായം അണിയുന്നുവെന്ന വാര്‍ത്ത് വന്നപ്പോള്‍ തന്നെ പ്രേക്ഷകര്‍ ആകാംഷയിലായിരുന്നു. പ്രതീക്ഷകള്‍ക്ക് യാതൊരു കോട്ടവും തട്ടാതെ പുറത്തിറങ്ങിയ തോന്നല് ഇപ്പോള്‍ യൂട്യൂബ് ട്രെന്‍ഡിങ് ലിസ്റ്റില്‍ മുന്നിലാണ്. ഒരു സ്റ്റാര്‍ ഹോട്ടലിന്റ അടുക്കളയും അവിടുത്തെ ഒരു ഷെഫിനെയും അയാളുടെ കേക്ക് നിര്‍മാണവും പ്രമേയമാക്കിയാണ് വീഡിയോ ചിത്രീകരിച്ചിരിക്കുന്നത്. ഷെഫിന്റെ വേഷത്തില്‍ തന്നെയായിരിക്കും അഹാനയെത്തുകയെന്ന് ടീസറിലൂടെ അഹാന സൂചന നല്‍കിയിരുന്നു. അഹാനയെക്കൂടാതെ തെന്നല്‍ അഭിലാഷ്, ഷാഹിം സഫര്‍, അമിത് മോഹന്‍, ഫര്‍ഹ തുടങ്ങിയവരും അഭിനയിച്ചിട്ടുണ്ട്.
വീഡിയോ കണ്ടശേഷം നിരവധി പേരാണ് താരത്തിന് ഭാവുകങ്ങളിമായി സോഷ്യല്‍ മീഡിയയിലെത്തിയത്. പ്രിഥ്വി രാജ്, ടൊവിനോ തോമസ്, മഞ്ജു വാര്യര്‍, ദുല്‍ഖര്‍ സല്‍മാന്‍, കുഞ്ചാക്കോ ബോബന്‍ തുടങ്ങി നിരവധി മലയാള സിനിമാ താരങ്ങള്‍ തോന്നലിന് ആശംസകളറിയിച്ചു.
പ്രതികരിക്കാൻ ഇവിടെ എഴുതുക: