കോഴിക്കോട്: എടക്കരയില്‍ ജോലി കഴിഞ്ഞു മടങ്ങുകയായിരുന്ന യുവതിയെ പീഡിപ്പിക്കാന്‍ ശ്രമിച്ചയാള്‍ പോലീസിന്റെ പിടിയില്‍. മൂത്തേടം മരത്തില്‍ കടവ് ഷണ്‍മുഖദാസി (38) നെയാണ് എടക്കര പോലീസ് അറസ്റ്റ് ചെയ്തത്.
മൂത്തേടം മരത്തിന്‍കടവിലെ നാല്‍പ്പതുകാരിയെയാണ് ഇയാള്‍ കഴിഞ്ഞ ദിവസം പീഡിപ്പിക്കന്‍ ശ്രമിച്ചത്. യുവതി ജോലി കഴിഞ്ഞു മടങ്ങവേ പിന്നിലൂടെയെത്തിയ പ്രതി കടന്നു പിടിക്കുകയായിരുന്നു. തുടര്‍ന്നു സമീപത്തെ കമുകിന്‍ തോട്ടത്തിലേക്കു വലിച്ചിഴക്കവെ യുവതി കുതറിമാറി ബഹളംവെച്ചു. യുവതിയുടെ ശബ്ദം കേട്ട്, സമീപത്ത് ആടുകളെ തീറ്റുകയായിരുന്ന പ്രദേശവാസികളായ രണ്ടു പേര്‍ ഓടിയെത്തിയതോടെ പ്രതി ഓടി രക്ഷപ്പെടുകയായിരുന്നു.
കമുകിന്‍ തോട്ടത്തിനു സമീപം ആള്‍ത്താമസമില്ലാത്ത സ്ഥലത്താണ് പീഡനശ്രമം. പോലീസ് നടത്തിയ തെരച്ചില്‍ വൈകാതെ ഇയാളെ പിടികൂടുകയായിരുന്നു. ഇയാള്‍ ക്രിമിനല്‍ സ്വഭാവമുള്ള ആളാണെന്നും ഇതിനു മുമ്പും ഇത്തരം സംഭവങ്ങള്‍ ചെയ്തിട്ടുണ്ടെന്നും പോലീസ് പറഞ്ഞു.
തടഞ്ഞുവയ്‌ക്കല്‍, കടന്നാക്രമിക്കല്‍, സ്ത്രീത്വത്തെ അപമാനിക്കല്‍, മാനഹാനിയുണ്ടാക്കല്‍ എന്നീ വകുപ്പുകള്‍ പ്രകാരമാണ് പ്രതിക്കെതിരേ പോലീസ് കേസെടുത്തത്. നിലമ്പൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: