കോഴിക്കോട്: സന്തോഷ് ട്രോഫി ഫുട്ബോളില് കേരളം ഉള്പ്പെടുന്ന സോണല് മത്സരങ്ങള് കോഴിക്കോട്ട് നടക്കും. കോര്പറേഷന് സ്സ്റ്റേഡിയത്തില് നവംബര് 21ന് മത്സരങ്ങള് ആരംഭിക്കും. കേരളത്തിന് പുറമെ പുതുച്ചേരി, ലക്ഷദ്വീപ് ടീമുകളാണ് ദക്ഷിണ മേഖല ഗ്രൂപ്പ് ബിയില് മത്സരിക്കുന്നത്.
ഗ്രൂപ്പ് എ മത്സരങ്ങള് ബംഗളരുവില് നടക്കും. അഞ്ച് മേഖലകളിലായാണ് സന്തോഷ് ട്രോഫി പ്രാഥമികതല മത്സരങ്ങള് നടത്തുന്നത്. ഓരോ മേഖലയിലും രണ്ട് ഗ്രൂപ്പുകളുണ്ട്. ഓരോ ഗ്രൂപ്പിലെയും വിജയികള് ഫൈനല് റൗണ്ടിലെത്തും. മലപ്പുറം മഞ്ചേരിയാണ് ഫൈനല് റൗണ്ട് വേദിയായി നിലവില് തീരുമാനിച്ചിരിക്കുന്നത്. മത്സരത്തിനുള്ള ഒരുക്കങ്ങള് കോഴിക്കോട്ട് ആരംഭിച്ചു.
