മുംബൈ : എയര് ഇന്ത്യയുമായി ബന്ധപ്പെട്ട എല്ലാ കടങ്ങളും കൊടുത്തു തീര്ക്കാന് എല്ലാ വകുപ്പുകള്ക്കും കേന്ദ്ര സര്ക്കാര് നിര്ദ്ദേശം. എയര് ഇന്ത്യയ്ക്ക് നല്കാനുള്ള കടങ്ങള് കൊടുത്തു തീര്ക്കാന് എല്ലാ മന്ത്രാലയങ്ങള്ക്കും കേന്ദ്ര ധനമന്ത്രാലയം നിര്ദ്ദേശം നല്കി കഴിഞ്ഞു.
കൂടാതെ അറിയിപ്പ് ഉണ്ടാകുന്നത് വരെ എയര് ഇന്ത്യ വിമാനത്തില് പണം നല്കി മാത്രമേ യാത്ര ചെയ്യാന് സാധിക്കൂവെന്നും ധനമന്ത്രാലയം പുറത്തിറക്കിയ കുറിപ്പില് പറയുന്നുണ്ട്.
18,000 കോടി രൂപയ്ക്കാണ് ടാറ്റ എയര് ഇന്ത്യ വാങ്ങിയത്. എയര് ഇന്ത്യയുടെ ആകെയുള്ള കടത്തില് 15,300 കോടി രൂപ ഏറ്റെടുക്കുന്ന ടാറ്റ ബാക്കിയുള്ള 2700 കോടി രൂപ കേന്ദ്രത്തിന് പണമായിട്ടായിരിക്കും കൈമാറുക. ലേലത്തില് ടാറ്റയെ കൂടാതെ സ്പൈസ് ജെറ്റും പങ്കെടുത്തിരുന്നു.
