പോര്‍ട്ട് ബ്ലെയര്‍: വീര്‍ സവര്‍ക്കര്‍ നിശ്ചയദാര്‍ഢ്യത്തോടെയാണ് ക്രൂരതകളോട് ചെറുത്തുനിന്നതെന്ന് ബോളിവുഡ് താരം കങ്കണ റണാവത്ത്. സ്വാതന്ത്ര്യം എന്ന ആശയം ഉടലെടുക്കുന്നത് ജയിലറകളില്‍ നിന്നാണെന്ന് ആന്‍ഡമാന്‍ ദ്വീപിലെ സെല്ലുലാര്‍ ജയില്‍ സന്ദര്‍ശിച്ച ചിത്രങ്ങള്‍ പങ്കുവച്ചുകൊണ്ട് കങ്കണ ഫേസ്ബുക്കില്‍കുറിച്ചു.
കാലപാനിയില്‍ സ്വാതന്ത്ര്യസമരകാലത്ത് വീര്‍ സവര്‍ക്കറേ ബന്ധിയാക്കിയ ജയിലറയും കങ്കണ സന്ദര്‍ശിച്ചു. ഭീകരതയുടെയും മനുഷ്യത്വ രഹിതമായ പ്രവര്‍ത്തനങ്ങളുടെയും ബാക്കിയാണ് ഈ ജയിലറകള്‍. കടലിന് നടുവിലുള്ള ഈ ചെറിയ ദ്വീപില്‍ നിന്ന് രക്ഷപ്പെടുക അസാധ്യമാണ് എന്നിട്ടും അവര്‍ വീര്‍ സവര്‍ക്കറെ ചങ്ങലകള്‍ ഇട്ടു കട്ടിയുള്ള മതിലുകളുള്ള ഒരു ജയില്‍മുറിയില്‍ തടവിലാക്കി.
ബ്രീട്ടിഷ് ഭരണകൂടത്തിന് അദേഹത്തിനു മേളിലുള്ള പേടിയാണ് ഇത് കാണിക്കുന്നതെന്നും കങ്കണ പറഞ്ഞു. വീര്‍ സവര്‍ക്കര്‍ നിശ്ചയദാര്‍ഢ്യത്തോടെയാണ് ക്രൂരതകളോട് ചെറുത്തുനിന്നത്. പാഠപുസ്തകങ്ങളില്‍ നമ്മെ പഠിപ്പിക്കുന്നതല്ല, ഈ ജയിലറകളാണ് സ്വാതന്ത്ര്യം എന്ന യാഥാര്‍ത്ഥ്യം സഫലീകരിച്ചത്തെന്നു താരം കുറിച്ചു. വീര്‍ സവര്‍ക്കറിനോടുള്ള ആദര സൂചകമായി അദേഹത്തെ ബന്ധിയാക്കിയ ജയിലറയില്‍ കങ്കണ ധ്യാനനിരതയായ ചിത്രങ്ങളും കുറിപ്പിനൊപ്പം പങ്കുവച്ചു.
പ്രതികരിക്കാൻ ഇവിടെ എഴുതുക: