കോഴിക്കോട്: എലത്തൂര് പോലീസ് സ്റ്റേഷന് പരിധിയില് ഈയിടെ നടന്ന രണ്ട് മോഷണങ്ങളും കുപ്രസിദ്ധ മോഷണ സംഘമായ കുറുവയിലെ അംഗങ്ങളാണെന്ന് പോലീസ് സ്ഥിരീകരിച്ചു. പാലക്കാട് നെന്മാറയില് സംഘത്തിലെ മൂന്ന് പേര് പിടിയിലായതോടെയാണ് പോലീസ് ഈ വിവരം സ്ഥിരീകരിച്ചത്.
കോഴിക്കോട് ജില്ലയിലെ അന്നശേരിയില് വീട് വാടകയ്ക്കെടുത്ത് താമസിച്ചായിരുന്നു എലത്തൂര് മേഖലയിലെ മോഷണങ്ങള്. നെന്മാറ പോലീസിന്റെ കസ്റ്റഡിയിലുള്ള സംഘത്തെ കോഴിക്കോട് എത്തിക്കുന്നതോടെ കൂടുതല് വിവരങ്ങള് കിട്ടുമെന്നാണ് കരുതുന്നത്. രാത്രി വീടാക്രമിച്ച് മോഷണം നടത്തുന്ന രീതിയാണ് കുറുവ സംഘത്തിന്റേത്.
മോഷണ സംഘങ്ങളെ പിടികൂടാന് പോലീസ് രാത്രികാല പട്രോളിങ്ങ് ശക്തമാക്കിയിട്ടുണ്ട്. കൂടാതെ പ്രധാന റോഡുകളില് നിരീഷണ ക്യാമറകളും സ്ഥാപിച്ചു. രാത്രി 11 മണിക്ക് ശേഷം പുറത്തിറങ്ങുന്നവരുടെ ഫോട്ടോകള് വേണ്ടി വന്നാല് എടുത്ത് സൂക്ഷിക്കും. ഒരു പോലീസ് സ്റ്റേഷനില് രണ്ട് വാഹനങ്ങള് പട്രോളിങ്ങിന് ഏര്പ്പെടുത്തിയിട്ടുണ്ട്. അത്യാവശ്യഘട്ടങ്ങളെ നേരിടാൻ ആവശ്യമായ എല്ലാ സജ്ജീകരണങ്ങളും തയാറാക്കിയിട്ടുണ്ടെന്നും പോലീസ് അറിയിച്ചു.
