വാഷിംഗ്ടണ്‍: അഫ്ഗാനിസ്ഥാനില്‍ അധികാരം പിടിച്ചെടുത്ത താലിബാന്‍ നേതാക്കള്‍ ഉപയോഗിച്ചു വരുന്ന അക്കൗണ്ടുകള്‍ വാട്സാപ് നിരോധിച്ചു. അപകടകാരികളായ സംഘടനകള്‍ക്കെതിരായ നയം ഉപയോഗപ്പെടുത്തിയാണ് വാട്‌സാപ്പിന്റെ ഈ നീക്കം.
ഭരണാവശ്യങ്ങള്‍ക്കായി വാട്സാപ് ഉപയോഗിക്കുന്നതില്‍ നിന്നും താലിബാനെ വിലക്കുകയാണ് ലക്ഷ്യം. പുതിയ നീക്കത്തിന്റെ ഭാഗമായി അക്രമവും കൊള്ളയും സംബന്ധിച്ച പരാതികള്‍ സ്വീകരിക്കുന്നതിനായി താലിബാന്‍ സ്ഥാപിച്ച ഒരു വാട്ട്സ്ആപ്പ് ഹോട്ട്ലൈന്‍ ഫേസ്ബുക്ക് നീക്കം ചെയ്തു.
താലിബാന്റെ മറ്റ് ഔദ്യോഗിക അക്കൗണ്ടായി നിലകൊള്ളുന്ന അക്കൗണ്ടുകള്‍ വാട്‌സാപ്പ് നിരോധിക്കും.
താലിബാന്റെ അക്കൗണ്ടുകള്‍ ബ്ലോക്ക് ചെയ്യണമെന്ന് ആവശ്യപ്പെട്ട് വിവിധ സമൂഹമാധ്യമക്കമ്പനികള്‍ക്ക് മേല്‍ ആഗോള തലത്തില്‍ സമ്മര്‍ദമുണ്ടായിരുന്നു. അഫ്ഗാനിസ്ഥാനിലെ പ്രാദേശിക ഭാഷകള്‍ അറിയുന്ന വിദഗ്ദസംഘമാണ് താലിബാന്‍ അക്കൗണ്ടുകള്‍ കണ്ടെത്തിക്കൊടുത്തത്. ഇപ്പോഴും അമേരിക്ക ഉള്‍പ്പെടെയുള്ള ലോകരാഷ്‌ട്രങ്ങള്‍ താലിബാന്‍ സര്‍ക്കാരിനെ അംഗീകരിച്ചിട്ടില്ല.
പ്രതികരിക്കാൻ ഇവിടെ എഴുതുക: