നവാഗതയായ റത്തീന സംവിധാനം ചെയ്ത് മമ്മൂട്ടിയും പാര്വതി തിരുവോത്തും കേന്ദ്ര കഥാപാത്രങ്ങളെ അവതരിപ്പിക്കുന്ന ‘പുഴു’വിന്റെ ചിത്രീകരണം പൂര്ത്തിയായി. സിന്- സില് സെല്ലുല്ലോയ്ഡിന്റെ ബാനറില് എസ്. ജോര്ജ് നിര്മിക്കുന്ന ചിത്രത്തിന്റെ വിതരണം വേഫേറര് ഫിലിംസിന്റെ ബാനറില് ദുല്ഖര് സല്മാന് ആണ്.
മലയാളത്തില് തന്നെ ആദ്യാമായിട്ടാണ് മമ്മൂട്ടി ഒരു സംവിധായികയുടെ ചിത്രത്തില് അഭിനയിക്കുന്നത്. ഇതിന് മുന്നേ തമിഴ്, ഹിന്ദി ചിത്രങ്ങളിലാണ് വനിതകള് സംവിധാനം ചെയ്ത ചിത്രങ്ങളില് അദ്ദേഹം അഭിനയിച്ചിട്ടുള്ളത്. പുഴു ഒരു പുരോഗമനപരമായ സിനിമയാണെന്ന് മമ്മൂട്ടി ഫെയ്സ്ബുക്കില് കുറിച്ചു. ചിത്രത്തിന്റെ ഷൂട്ടിങ്ങ് സമയവും വലിയൊരു അനുഭവമായിരുന്നുവെന്ന് താരം പറയുന്നു.
ചിത്രത്തിന്റെ പ്രത്യേകത നിറഞ്ഞ ടൈറ്റില്, താരനിബിഡമായ കാസ്റ്റിങ് എന്നിവ കാരണം പ്രേക്ഷകര് ഒന്നടങ്കം ആകാംഷയോടെ കാത്തിരിക്കുന്ന ചിത്രമാണ് പുഴു. മമ്മൂട്ടി, പാര്വതി തിരുവോത്ത് എന്നിവര് ആദ്യമായി ഒരുമിക്കുന്ന ചിത്രം എന്ന പ്രത്യേകതയും ഉള്ള ചിത്രമാണ് പുഴു.
ഛായാഗ്രാഹണം തേനി ഈശ്വര്. ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത് ഷര്ഫു, സുഹാസ് ഹര്ഷദ് എന്നിവര് ചേര്ന്നാണ്. റെനിഷ് അബ്ദുള്ഖാദര്, രാജേഷ് കൃഷ്ണ, ശ്യാം മോഹന് എന്നിവരാണ് പുഴുവിന്റെ എക്സിക്യൂട്ടീവ് പ്രൊഡ്യൂസേഴ്സ്. എഡിറ്റര് – ദീപു ജോസഫ്, സംഗീതം – ജെയ്കസ് ബിജോയ്, പിആര്ഒ പി.ശിവപ്രസാദ്
