ന്യൂദല്‍ഹി : ലക്ഷദ്വീപ് ഭരണകൂടം ദ്വീപുവാസികള്‍ക്കെതിരെ ജൈവായുധം പ്രയോഗിച്ചുവെന്ന വിവാദ പ്രസ്താവന നടത്തിയ ഐഷ സുല്‍ത്താനക്കെതിരെയും ചര്‍ച്ച സംപ്രേഷണം ചെയ്ത മീഡിയ വണ്‍ ചാനലിനെതിരെയും അന്വേഷണം നടത്താന്‍ കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയം ഉത്തരവിട്ടു.
അഖില്‍ ഭാരതീയ ഗ്രാഹക് പഞ്ചായത്ത് സംസ്ഥാന ജോ. കോ-ഓര്‍ഡിനേറ്റര്‍ അഡ്വ. രതീഷ് ഗോപാലന്‍ കേന്ദ്ര ആഭ്യന്തര മന്ത്രി അമിത്ഷായ്‌ക്ക് അയച്ച പരാതിയെത്തുടര്‍ന്നാണ് നടപടി. ആഭ്യന്തരമന്ത്രാലയം നടപടികള്‍ക്കായി വാര്‍ത്താ വിതരണ പ്രക്ഷേപണ മന്ത്രാലയത്തിന് കൈമാറുകയായിരുന്നു. വിതരണമന്ത്രാലയം അണ്ടര്‍ സെക്രട്ടറി ശ്യാം സുന്ദര്‍ പരാതിയില്‍ അന്വേഷണം നടത്തി നടപടിയെടുക്കാന്‍ ബ്രോഡ്കാസ്റ്റിങ് വകുപ്പ് അണ്ടര്‍ സെക്രട്ടറി സോണിക ഖട്ടാറിനെ ചുമതലപ്പെടുത്തി.
പ്രതികരിക്കാൻ ഇവിടെ എഴുതുക: