ബറെയ്ലി: യുപി ബറെയ്ലി ജില്ലയിലെ മദ്രസയില്‍ മൗലവി പെണ്‍കുട്ടിയെ വിവാഹ വാഗ്ദാനം നല്‍കി പീഡിപ്പിച്ചു. ഗര്‍ഭിണിയായ പെണ്‍കുട്ടിയെ ഇയാള്‍ ഗര്‍ഭച്ഛിദ്രം നടത്താന്‍ പ്രേരിപ്പിക്കുകയും ചെയ്തു.
നാല് വര്‍ഷം മുന്‍പാണ് പെണ്‍കുട്ടി ബഹേദിയിലെ ഈ മദ്രസയില്‍ വിദ്യാര്‍ഥിനിയായി ചേരുന്നത്. ഇവിടെ പെണ്‍കുട്ടിയുടെ സഹപാഠിയായിരുന്ന ഉബൈഷ് ഹഫീസ് എന്നയാളാണ് പിന്നീട് ഇതേ മദ്രസയിലെ മൗലവിയായത്. വിവാഹ വാഗ്ദാനത്തിന്റെ പേരില്‍ ഇയാള്‍ പെണ്‍കുട്ടിയെ പല തവണ പീഡിപ്പിച്ചു. വിവാഹത്തിന്റ കാര്യം ചോദിക്കുമ്പോഴെല്ലാം ഇയാള്‍ പെണ്‍കുട്ടിയോട് കാത്തിരിക്കാനാണ് പറഞ്ഞത്. ഇതിനിടയില്‍ പെണ്‍കുട്ടി ഗര്‍ഭിണിയാവുകയായിരുന്നു. ഈ കാര്യം പെണ്‍കുട്ടി മൗലവിയെ അറിയിച്ചപ്പോള്‍ ഇയാള്‍ ഗര്‍ഭച്ഛിദ്രം നടത്താന്‍ പ്രേരിപ്പിക്കുകയായിരുന്നു. പെണ്‍കുട്ടി തന്റെ വീട്ടുകാരുമൊത്ത് ഇയാളുടെ വീട്ടില്‍ എത്തിയപ്പോള്‍, പെണ്‍കുട്ടിയെയും വീട്ടുകാരെയും കൊല്ലുമെന്ന് ഭീഷണിപ്പെടുത്തി തിരിച്ചയക്കുകയായിരുന്നു.
ഷീഷ്ഗര്‍ഹ് പോലീസ് ഇയാള്‍ക്കെതിരെ കേസ് ചാര്‍ജ്ജ് ചെയ്തിട്ടുണ്ട്. ഐപിസി 356, 376, 313, 504, 506 എന്നീ സെക്ഷനുകള്‍ പ്രകാരമാണ് യുപി പോലീസ് കേസ് എടുത്തിട്ടുള്ളത്. നിലവില്‍ ഉബൈഷ് ഹഫീസ് ഒളിവിലാണെന്നും ഇയാള്‍ക്ക് വേണ്ടി തിരച്ചില്‍ നടത്തുകയാണെന്നും ബറെയ്ലി പോലീസ് സൂപ്രണ്ട് പറഞ്ഞു.
പ്രതികരിക്കാൻ ഇവിടെ എഴുതുക: