തിരുവനന്തപുരം: തമ്പാനൂര്‍ കെഎസ്ആര്‍ടിസി ബസ് ടെര്‍മിനലിന്റെ അഞ്ചാം നിലയില്‍ തീപിടുത്തം. ആര്‍ടിഒ ഓഫീസ് പ്രവര്‍ത്തിക്കുന്ന ഭാഗത്തെ മുറിയിലാണ് തീപിടുത്തം ഉണ്ടായത്. കോണിപ്പടിയോട് ചേര്‍ന്ന ഭാഗത്ത് കൂട്ടിയിട്ട മാലിന്യത്തിനുമാണ് തീപിടിത്തമുണ്ടായത്. അഞ്ചാം നിലയില്‍ നിന്നും വലിയതോതില്‍ പുക ഉയരുന്നതുകണ്ട സ്ഥലത്തെ വ്യാപാരികള്‍ അഗ്നിശമന സേനയെ വിവരം അറിയിക്കുകയായിരുന്നു.
അഗ്നിബാധ ഉണ്ടായതിനെ തുടര്‍ന്ന് ഫയര്‍ഫോഴ്‌സ് സ്ഥലത്ത് എത്തിയെങ്കിലും തീയുണ്ടായ ഭാഗം കണ്ടെത്താന്‍ നന്നേപാടുപെട്ടു. പത്ത് മിനുട്ടിലേറെയുള്ള തിരച്ചിലിനൊടുവിലാണ് തീപിടിച്ച ഭാഗം കണ്ടെത്താനായത്. ഒടുവില്‍ ഡോര്‍ തകര്‍ത്ത് രക്ഷാസംഘം അകത്ത് പ്രവേശിക്കുകയായിരുന്നു.
തീപിടുത്തമുണ്ടായ ഭാഗത്ത് വേണ്ടവിധത്തിലുള്ള അഗ്നിശമന സംവിധാനങ്ങള്‍ ഇല്ലായിരുന്നു. ശുചിമുറില്‍ നിന്നും ബക്കറ്റില്‍ സംഭരിച്ചവെളളം ഉപയോഗിച്ചാണ് അഗ്നിശമന സേന അവസാനം തീ കെടുത്തിയത്. നിലവില്‍ സ്ഥിതി നിയന്ത്രണവിധേയമാണ്.
പ്രതികരിക്കാൻ ഇവിടെ എഴുതുക: