ന്യൂദല്‍ഹി : അഫ്ഗാന് വേണ്ടി ഇന്ത്യ എന്താണ് ചെയ്തതെന്ന് ജനങ്ങള്‍ക്ക് അറിയാം. യുദ്ധങ്ങള്‍ തകര്‍ത്തുകളഞ്ഞ അഫ്ഗാനിസ്ഥാന് ലഭിച്ച സഹായങ്ങളിലൂടെ ഇന്ത്യയെ തിരിച്ചറിയാനാകും. പാക്കിസ്ഥാന്‍ എന്താണ് ചെയ്തതെന്നും അവര്‍ക്ക് ഓര്‍മ്മയുണ്ടാകുമെന്ന് കേന്ദ്ര വിദേശകാര്യ മന്ത്രി എസ്. ജയശങ്കര്‍.
അഫ്ഗാന് ജനതയ്ക്ക് പാക്കിസ്ഥാനും ഇന്ത്യയും തമ്മിലുള്ള വ്യത്യാസം മനസ്സിലാക്കാന്‍ സാധിക്കും. ഇന്ത്യയും അഫ്ഗാനിസ്ഥാനും എങ്ങനെയുള്ള സുഹൃത്തുക്കളായിരുന്നുവെന്ന് അവര്‍ക്കറിയാം. അതേ സമയത്ത് പാകിസ്താന്‍ അവര്‍ക്ക് വേണ്ടി എന്ത് ചെയ്തുവെന്ന് അഫ്ഗാന് ജനതയുടെ മനസ്സിലുണ്ടാകുമെന്നും കേന്ദ്രമന്ത്രി പറഞ്ഞു.
താലിബാന് അധികാരത്തിലെത്തുന്നതിന് മുമ്പ് ഇന്ത്യയും അഫ്ഗാനിസ്ഥാനും തമ്മില്‍ വാണിജ്യ സാംസ്‌കാരിക ബന്ധങ്ങള്‍ നിലനിന്നിരുന്നു. 2019-20 കാലയളവില്‍ മാത്രം ഇന്ത്യയും അഫ്ഗാനിസ്താനും തമ്മില്‍ 1.5 ബില്യണ്‍ വ്യാപാര ഇടപാടുകളാണ് നടത്തിയത്. എല്ലാവര്‍ക്കും തങ്ങളുടെ അയല്‍ക്കാരുമായി നല്ല ബന്ധമാണ് ആഗ്രഹിക്കുക. പക്ഷെ ആ ബന്ധം ഒരു പരിഷ്‌കൃത ലോകത്തിലുണ്ടാകേണ്ട മൂല്യങ്ങളുടെ അടിസ്ഥാനത്തിലായിരിക്കണമെന്നും പാക്കിസ്താനെ പരോക്ഷമായി വിമര്‍ശിച്ചുകൊണ്ട് ജയയശങ്കര്‍ പറഞ്ഞു.
ഭരണകൂടത്തിന്റെ ഉപകരണമായി പാക്കിസ്ഥാന്‍ ഭീകരവാദത്തെ ഉപയോഗിക്കുന്നത് ഒരിക്കലും അംഗീകരിക്കാനാവില്ല. അഫ്ഗാന് ജനങ്ങള്‍ ഇത് തിരിച്ചറിഞ്ഞ് പ്രതികരിക്കുമെന്നും അദ്ദേഹം കൂട്ടിച്ചേര്‍ത്തു. താലിബാന് പാക് സൈന്യം പരിശീലനം നല്‍കിയതായി റിപ്പോര്‍ട്ടുകള്‍ പുറത്തുവന്നിരുന്നു. കൂടാതെ യുഎന്നില്‍ താലിബാനെ പിന്തുണച്ച് പാക്കിസ്ഥാന്‍ സംസാരിക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: