കൊച്ചി: വ്യാജപുരാവസ്തു സാമ്പത്തിക തട്ടിപ്പുകേസില്‍ പ്രതിയായ മോന്സണ് മാവുങ്കലിനെതിരെ പരാതി നല്‍കിയവരെ ‘ഫ്രോഡുകള്‍’ എന്ന് വിളിച്ച നടന്‍ ശ്രീനിവാസനെതിരെ നഷ്ടപരിഹാരം ആവശ്യപ്പെട്ട് കേസ്.
മോന്സണ് 10 കോടി രൂപ നല്‍കി വഞ്ചിതനായ വടക്കാഞ്ചേരി സ്വദേശി വലിയകത്ത് അനൂപ് വി. മുഹമ്മദാണ് നോട്ടീസ് അയച്ചത്. ഒന്നരക്കോടിയാണ് ഇയാള്‍ ശ്രീനിവാസനോട് നഷ്ടപരിഹാരം ആവശ്യപ്പെട്ടിരിക്കുന്നത്. ഒരു ചാനല്‍ അഭിമുഖത്തിലാണ് ശ്രീനിവാസന്‍ മോന്സണ് മാവുങ്കിലന് പണം നല്‍കിയവരെ അതിരൂക്ഷമായ ഭാഷയില്‍ വിമര്‍ശിച്ചത്. മോന്സണ് പണം നല്‍കിയവര്‍ തട്ടിപ്പുകാരാണെന്നും അത്യാര്‍ത്തികൊണ്ടാണ് പണം നല്‍കിയതെന്നും ശ്രീനിവാസന്‍ തുറന്നടിച്ചിരുന്നു.
’10 കോടി രൂപ മോന്സണ് നല്‍കിയെന്ന് പറയുന്ന പരാതിയാണ് ആദ്യം വരുന്നത്. അതില്‍ രണ്ട് പേരെ എനിക്കറിയാം. അവര്‍ തരക്കേടില്ലാത്ത ഫ്രോഡുകളാണ്. അവരില്‍ ഒരാള്‍ സ്വന്തം അമ്മാവനെ കോടികള്‍ പറ്റിച്ച ആളാണ്. നിഷ്‌കളങ്കരായി പണം കൊടുത്തതല്ല. കൊടുത്തതിന്റെ പത്തിരട്ടി കിട്ടും. അപ്പോള്‍ പറ്റിക്കാമെന്ന് കരുതിയാണ് ഇവര്‍ പണം കൊടുത്തിരിക്കുന്നത്. അത്യാര്‍ത്തിയുള്ളവര്‍ക്ക് മാത്രമേ പണം നഷ്ടമായിട്ടുള്ളൂ,’ – ഇതാണ് ശ്രീനിവാസന്‍ ടിവി അഭിമുഖത്തില്‍ നടത്തിയ വിവാദ പ്രസ്താവന.
പ്രതികരിക്കാൻ ഇവിടെ എഴുതുക: