മ്യൂണിക്ക്: ജര്‍മ്മന്‍ ലീഗില്‍ ബയേണ്‍ മ്യൂണിക്കിന് അപ്രതീക്ഷിത തോല്‍വി. ഫ്രാങ്ക്ഫര്‍ട്ടിനോട് തോറ്റത് ഒന്നിനെതിരെ രണ്ട് ഗോളുകള്‍ക്ക്. 21 വര്‍ഷത്തിനിടെ ഇതാദ്യമായാണ് ബയേണിന്റെ തട്ടകത്തില്‍ ഫ്രാങ്ക്ഫര്‍ട്ട് വിജയിക്കുന്നത്.
മികച്ച ഫോമില്‍ മുന്നേറുകയായിരുന്ന ബയേണിനെ പിന്നില്‍ നിന്ന ശേഷമാണ് ഫ്രാങ്ക്ഫര്‍ട്ട് തോല്‍പ്പിച്ചത്. 29-ാം മിനിറ്റില്‍ ലിയോണ്‍ ഗൊറെസ്‌ക ബയേണിനെ മുന്നിലെത്തിച്ചു. 32-ാം മിനിറ്റില്‍ സമനില പിടിച്ച ഫ്രാങ്ക്ഫര്‍ട്ട് കളി കടുപ്പിച്ചു. 83-ാം മിനിറ്റിലായിരുന്നു ഫ്രാങ്ക്ഫര്‍ട്ടിന്റെ വിജയ ഗോള്‍. ഫിലിപ് കോസ്റ്റിച്ച് ഗോള്‍ നേടിയതോടെ ഫ്രാങ്ക്ഫര്‍ട്ട് വിജയം ഉറപ്പിച്ചു. തുടര്‍ച്ചയായ ഒമ്പത് മത്സരങ്ങളില്‍ വിജയിച്ച് മുന്നേറിയ ബയേണിന്റെ ആദ്യ തോല്‍വിയാണിത്.
മത്സരത്തില്‍ ഒരു ഷോട്ട് മാത്രമാണ് ബയേണിന് പോസ്റ്റിന് നേരെ ഉതിര്‍ക്കാനായത്. സൂപ്പര്‍ താരം ലെവന്‍ഡോസ്‌കി ഉള്‍പ്പെടെ മോശം ഫോമിലായിരുന്നതും ബയേണിന് തിരിച്ചടിയായി.
പ്രതികരിക്കാൻ ഇവിടെ എഴുതുക: