വടകര: കോഴിക്കോട് വടകരയില്‍ ലൗ ജിഹാദില്‍പ്പെട്ട പെണ്‍കുട്ടിയെ കോടതി ഇടപെടലിലൂടെ രക്ഷിതാക്കള്‍ക്ക് തിരിച്ചുകിട്ടി. വടകര സ്വദേശിയായ യുവതിയാണ് ജിഹാദികളില്‍നിന്ന് രക്ഷപ്പെട്ടത്. മാസങ്ങള്‍ക്ക് മുമ്പ് ഇന്‍സ്റ്റഗ്രാം വഴി പരിചയപ്പെട്ട മുസ്ലിം യുവാവാണ് പെണ്‍കുട്ടിയെ പ്രലോഭിപ്പിച്ച് കൊണ്ട്‌പോയത്.
യുവാവിന്റെ വീട്ടില്‍ നിന്ന് പെണ്‍കുട്ടിയെ പൊന്നാനി മതപരിവര്‍ത്തന കേന്ദ്രത്തില്‍ എത്തിച്ചു. മതം മാറാന്‍ നിരന്തരം സമ്മര്‍ദ്ദത്തിലാക്കി. വഴങ്ങാതിരുന്ന യുവതി തന്ത്രപൂര്‍വ്വം രക്ഷപ്പെട്ട് സ്വന്തം വീട്ടുകാരെ വിവരം അറിയിക്കുകയായിരുന്നു. പെണ്‍കുട്ടിയെ രക്ഷിതാക്കള്‍ തടഞ്ഞു വെച്ചിരിക്കുകയാണെന്ന് ആരോപിച്ച് യുവാവ് പരാതി നല്‍കി.
ഇതോടെ പെണ്‍കുട്ടിയെ രക്ഷിതാക്കള്‍ വടകര കോടതിയില്‍ ഹാജരാക്കി. കോടതിയില്‍ പെണ്‍കുട്ടി വിവരങ്ങള്‍ ബോധിപ്പിച്ച് വീട്ടുകാര്‍ക്കൊപ്പം പോകാന്‍ ആഗ്രഹം പ്രകടിപ്പിക്കുകയായിരുന്നു.
പ്രതികരിക്കാൻ ഇവിടെ എഴുതുക: