കോഴിക്കോട്: മനുഷ്യാവകാശ കമ്മീഷന് ഓഫീസ് എന്ന പേരില്‍ കോഴിക്കോട്ട് തട്ടിപ്പ്. മനുഷ്യാവകാശ കമ്മീഷന് സമാനമായി പ്രവര്‍ത്തിച്ച വ്യാജ ഓഫീസ് പോലീസ് പൂട്ടിച്ചു.
കോഴിക്കോട് എരഞ്ഞിപ്പാലം റോഡില്‍ പ്രവര്‍ത്തിച്ച ഐ ട്രസ്റ്റ് ഹ്യൂമന്‍ റൈറ്റ്‌സ് ആന്‍ഡ് വെല്‍ഫെയര്‍ ഓഫീസാണ് പോലീസ് റെയ്ഡ് നടത്തി പൂട്ടിച്ചത്. ഇവര്‍ക്കെതിരെ വിവിധ ഭാഗങ്ങളില്‍ നിന്നായി പന്ത്രണ്ടോളം പരാതികള്‍ പോലീസിന് ലഭിച്ചു.
നിയമപരമായ അധികാരമുണ്ടെന്ന് ജനങ്ങളെ തെറ്റിദ്ധരിപ്പിച്ചാണ് ഇവിടെ പ്രവര്‍ത്തനങ്ങള്‍ നടന്നത്. ആളുകളുടെ പരാതി സ്വീകരിച്ച്, ഇരു കക്ഷികളെ വിളിച്ചു വരുത്തി തീര്‍പ്പാക്കി അന്യായമായി പണം വാങ്ങിയായിരുന്നു തട്ടിപ്പ് നടന്നത്. തട്ടിപ്പ്, അന്യായമായി പണം വാങ്ങല്‍, ആള്‍മാറാട്ടം തുടങ്ങിയ കുറ്റങ്ങള്‍ക്കെതിരെ പോലീസ് കേസെടുത്തു. റെയ്ഡില്‍ നിരവധി രേഖകളും കണ്ടെടുത്തു.
പ്രതികരിക്കാൻ ഇവിടെ എഴുതുക