കോഴിക്കോട്: മൂന്നുവയസ് പ്രായമുള്ള ഇരട്ടകുട്ടികളെ മാതാവ് കിണറ്റില്‍ എറിഞ്ഞ് കൊലപ്പെടുത്തി. നാദാപുരം സിസിയുപി സ്‌കൂളിനു സമീപം മഞ്ഞനാംപുറത്ത് റഫീഖിന്റെയും സുബീനയുടെയും മക്കളായ ഫാത്തിമ നൗഹ, മുഹമ്മദ് റസ്‌വിന്‍ എന്നിവരാണ് മരിച്ചത്.
ഞായറാഴ്ച രാത്രിയോടെയാണ് സംഭവം. മക്കളെ കൊലപ്പെടുത്തിയ ശേഷം മാതാവ് സുബീനാ മുംതാസ് ആത്മഹത്യയ്‌ക്ക് ശ്രമിക്കുകയായിരുന്നു. കിണറ്റിനകത്തെ മോട്ടോറുമായി ബന്ധിപ്പിച്ചിരിക്കുന്ന പൈപ്പില്‍ പിടിച്ചിരുന്ന മുംതാസിനെ പോലീസും നാട്ടുകാരും ചേര്‍ന്ന് രക്ഷപ്പെടുത്തി. മക്കളെ കൊലപ്പെടുത്തിയ ശേഷം താന്‍ ആത്മഹത്യ ചെയ്യുകയാണെന്ന് സുബീനാ വീട്ടില്‍ ഫോണ്‍ വിളിച്ചു പറയുകയായിരുന്നു.സുബീനാ നിലവില്‍ പോലീസ് കസ്റ്റഡിയിലാണ്.
യുവതി മാനസികാസ്വസ്ത്യം പ്രകടിപ്പിക്കുന്നതായി പോലീസ് പറയുന്നു. കുട്ടികളുടെ മൃതദേഹം കോഴിക്കോട് മെഡിക്കല്‍ കോളജില്‍ പോസ്റ്റുമോര്‍ട്ടത്തിനു കൊണ്ടുപോയി.
പ്രതികരിക്കാൻ ഇവിടെ എഴുതുക